ഗോകുലം കൃഷ്ണഗോകുലം ബാലഗോകുലം ഗ്രാമശ്രീലകം
കാറ്റിലും കിളിപ്പാട്ടിലും മധുരാര്‍ദ്രമാം മുരളീരവം
(ഗോകുലം….)
പുല്‍വനങ്ങളില്‍ പൈക്കള്‍ മേയുന്ന പുണ്യമുള്ള വൃന്ദാവനം
കാര്‍മുകില്‍ക്കുടം താഴ്‌ത്തി നമ്മള്‍ക്ക് മാരി നല്‍കും ഗോവര്‍ദ്ധനം
ജീവിതാമൃതം പോലൊഴുകുന്ന സ്‌നേഹകാളിന്ദി ലാളനം
കാക്കണം നമ്മള്‍ കാക്കണം പ്രകൃതീശ്വരി തന്നൊരീവരം
(ഗോകുലം….)
ആസുരമാം വിപത്തുകള്‍ നമ്മെ കാത്തിരിക്കുന്നതോര്‍ക്കണം
ആത്മബോധം തെളിഞ്ഞു നാം കൃഷ്ണ ഭാഷയാം ഗീതയോര്‍ക്കണം
ധര്‍മവീഥിയില്‍ ധീരമായ് പൊരുതുന്ന ജീവിതമാകണം
കാക്കണം നമ്മള്‍ കാക്കണം യുഗദീപ്ത സംസ്‌കാര ശേഖരം
(ഗോകുലം….)
നന്മകള്‍ നിറയുന്ന പൂവനം നിര്‍മലം ബാലഭാരതം
ലോകമാതൃകയായുയരണം ഏകഭാരത പൈതൃകം
ഉള്ളിലെത്തും അസുരവംശത്തെ വെല്ലുവാന്‍ കരുത്താര്‍ന്നു നാം
കാക്കണം നമ്മെ പെറ്റൊരമ്മതന്‍ ആസ്തിയും അഭിമാനവും
ഗോകുലം കൃഷ്ണഗോകുലം ബാലഗോകുലം ഗ്രാമശീലകം
കാറ്റിലും കിളിപ്പാട്ടിലും മധുരാര്‍ദ്രമാ മുരളീരവം
എസ്. രമേശന്‍ നായര്‍
ബാലഭാരതം പ്രതിജ്ഞ
ഭാരതമാതുഃ വീരപുത്രാഃ വയം
അസ്യാഃ ഭൂമ്യാഃ പ്രതികണം പവിത്രതമം ഇത്യഹം ദൃഢം മന്യേ
അത്രത്യ പ്രകൃത്യാഃ സംരക്ഷണം മമ കര്‍ത്തവ്യമേവ
അംബായാഃ വിശുദ്ധതാ ഏവ സംസ്‌കൃതി
തസ്യാഃ സംരക്ഷണം പുത്രസ്യപ്രപ്രഥമം ദായിത്വം അസ്തി
അതഃ ഭാരതമാതുഃ പുത്രോളഹം അസ്യരാഷ്‌ട്രസ്യ സംസ്‌കൃത്യാഃ
പ്രകൃത്യാഃ ച സംരക്ഷണം കരിഷ്യേ
ഇതി രാഷ്‌ട്രരക്ഷകസ്യ ഭഗവതഃ ശ്രീകൃഷ്ണസ്യ നാമ്‌നി
പ്രതിജ്ഞാം കരോമി
വന്ദേ മാതരം
പ്രതികരിക്കാൻ ഇവിടെ എഴുതുക: