കൊല്ലം: ജില്ലാ ഭരണസിരാകേന്ദ്രമായ കളക്ട്രേറ്റിലെ ഇ-ടോയ്ലറ്റ് പ്രവര്ത്തനം നിലച്ചിട്ട് വര്ഷം മൂന്ന് പിന്നിട്ടു. ഇതുവരെയും അധികൃതരുടെ ഭാഗത്ത് നിന്നും യാതൊരുനടപടിയും ഉണ്ടായിട്ടില്ല.
കൊല്ലം കോര്പ്പറേഷന് 2011-2012 വര്ഷത്തെ ജനകീയാസൂത്രണ പദ്ധതിയില് ഉള്പ്പെടുത്തിയാണ് ഇ-ടോയ്ലറ്റ് നഗരത്തിന്റെ വിവിധ ഭാഗങ്ങളില് സ്ഥാപിച്ചത്. പ്രാഥമിക കര്മ്മങ്ങള്ക്ക് സാഹചര്യമൊരുക്കുകയായിരുന്നു ഇ-ടോയ്ലറ്റിന്റെ ലക്ഷ്യം. ലക്ഷക്കണക്കിന് രൂപയാണ് ടോയ്ലറ്റ് സ്ഥാപിക്കുന്നതിന് വേണ്ടി കോര്പ്പറേഷന് വിനിയോഗിച്ചത്. എന്നാല് ഇത് പാഴാകുന്നു എന്നതിന് തെളിവാണ് ഇ ടോയ്ലറ്റ് പ്രവര്ത്തനം നിലച്ചിട്ടും അധികൃതരുടെ ഭാഗത്ത് നിന്ന് യാതൊരുവിധ നടപടിയുമുണ്ടാകാത്തത്.
ദിനംപ്രതി നൂറുകണക്കിന് ആളുകള് വിവിധ ആവശ്യത്തിന് എത്തുന്ന കളക്ട്രേറ്റ് പരിസരത്തുള്ള ഇ-ടോയ്ലറ്റ് ജനങ്ങള്ക്ക് ഏറെ പ്രയോജനപ്രദമായിരുന്നു. ഇപ്പോഴും ആളുകള് ദിനംപ്രതി ഇ ടോയ്ലറ്റില് എത്തുന്നുണ്ടെങ്കിലും പ്രവര്ത്തനം നിലച്ചതിനാല് മടങ്ങി പോവുകയാണ്. ഇപ്പോള് രാഷ്ട്രീയ പാര്ട്ടികളുടെയും സര്വീസ് സംഘടനകളുടെയും പോസ്റ്ററുകള് പതിക്കുന്നതിനുള്ള സ്ഥലമായി ഇത് മാറിയിരിക്കുകയാണ് നഗരത്തില് സ്ഥാപിച്ചിരിക്കുന്ന ഒട്ടുമിക്ക ടോയ്ലറ്റുകളുടെ പ്രവര്ത്തനവും സമാനഗതിയില് നിലച്ച മട്ടാണ്.
പ്രവര്ത്തിക്കുന്ന ഇ ടോയ്ലറ്റുകളില് ക്ലീനിംഗ് നടക്കുന്നില്ലയെന്നും ആക്ഷേപം ഉയര്ന്നിട്ടുണ്ട്. പേരിനുവേണ്ടി മാത്രമാണ് ഇത് പല സ്ഥലങ്ങളില് സ്ഥാപിച്ചതെന്നും ഇതിനു പിന്നില് കോര്പ്പറേഷന് അധികൃതര് അഴിമതി നടത്തിയെന്നും നാട്ടൂകാര് ആരോപിക്കുന്നു. ഇ-ടോയ്ലറ്റ് പ്രവര്ത്തനം നിലച്ചിട്ടും യാതൊരു നടപടിയും സ്വീകരിക്കാത്ത കോര്പ്പറേഷന് നിലപാടിനെതിരെ ശക്തമായ പ്രക്ഷോഭം നടത്താനാണ് നാട്ടുകാരുടെ തീരുമാനം.
