പാലാ: വര്ഷങ്ങളായി പ്രവര്ത്തനം നിലച്ച സര്ക്കാര് ഉടമസ്ഥതയിലുള്ള സ്കൂള് കെട്ടിടവും സ്ഥലവും ഉപയോഗ രഹിതമായി നശിക്കുന്നു. നാല്പതിലേറെ വര്ഷങ്ങളായി പ്രവര്ത്തനം നിലച്ച പാലാ വിദ്യാഭ്യാസജില്ലയിലെ ഇടമറ്റം സര്ക്കാര് എല്.പി. സ്കൂള് കെട്ടിടവും സ്കൂള്വളപ്പുമാണ് ഇന്ന് സാമൂഹ്യ വിരുദ്ധരുടെ താവളമായി മാറിയിരിക്കുന്നത്.
ചുറ്റുമതില് കെട്ടി സംരക്ഷിക്കണമെന്ന് വര്ഷങ്ങളായി നാട്ടുകാര് ആവശ്യപ്പെടുന്നതാണങ്കിലും അധികൃതര് നടപടി സ്വീകരിക്കുന്നില്ല. മീനച്ചില് പഞ്ചായത്തിന്റെ ആസ്ഥാനമായ ഇടമറ്റത്ത് ഒരേക്കറോളം സ്ഥലമാണ് സ്കൂള് പരിസരം. മുന് സര്ക്കാര് പ്രാഥമിക വിദ്യാലയവും പുരയിടവും വര്ഷങ്ങളായി സാമൂഹികവിരുദ്ധരുടെയും അലഞ്ഞുതിരിഞ്ഞുനടക്കുന്ന നായ്ക്കളുടെയും കേന്ദ്രമാണ്.
ഭാരത് സ്കൗട്ട് ആന്ഡ് ഗൈഡ്സിന്റെ പാലാ വിദ്യാഭ്യാസ ജില്ലയിലെ പരിശീലന കേന്ദ്രമായി ബോര്ഡ് പ്രദര്ശിപ്പിച്ചിരുന്നുവെങ്കിലും സ്കൂള് കെട്ടിടത്തിന്റെ മേല്ക്കൂരയും ജനാലകളും വാതിലുകളും അപകടാവസ്ഥയിലായതിനാല് പരിശീലന പരിപാടികള് ഇടമറ്റം കെ.ടി.ജെ.എം. ഹൈസ്കൂളിലേക്ക് അധികൃതര് മാറ്റിയിരുന്നു.
സാമൂഹികവിരുദ്ധരുടെ അഴിഞ്ഞാട്ടകേന്ദ്രമായി മാറിയ സ്കൂള് പരിസരങ്ങളില് മദ്യക്കുപ്പികള് ചിതറികിടക്കുന്ന അവസഥയിലാണ്. വിദ്യാഭ്യാസ വകുപ്പിന്റേതടക്കം വിവിധ സ്ഥാപനങ്ങള് ഇവിടെ തുടങ്ങുമെന്ന് അധികൃതര് അറിയിച്ചിരിന്നുങ്കിലും നടപടിയുണ്ടായില്ല.
മീനച്ചില് പഞ്ചായത്തില് ആതുരാലയങ്ങള് ഉള്പ്പടെ നിരവധി സ്ഥാപനങ്ങള് ആവശ്യത്തിന് സ്ഥലസൗകര്യമില്ലാതെ പ്രവര്ത്തനം അവതാളത്തിലായിരിക്കുമ്പോഴാണ് ജനവാസ കേന്ദ്രത്തില് ഇത്രയേറെ സ്ഥലം ഉപയോഗരഹിതമായി കിടക്കുന്നത്. ഇവിടെ പൊതുസ്ഥാപനങ്ങള് പ്രവര്ത്തനമാരംഭിക്കാന് നടപടി സ്വീകരിക്കണമെന്നും ആവശ്യപ്പെട്ട് മനുഷ്യാവകാശ സംരക്ഷണസമിതിയംഗം രാധാകൃഷ്ണന് പുതുപ്പള്ളില് അധികൃതര്ക്ക് നിവേദനം നല്കി.
