കൊല്ലം: ബിജെപി ജില്ലാ ഓഫീസിന് മുന്നില് പടക്കം പൊട്ടിച്ച് സംഘര്ഷം സൃഷ്ടിക്കാന് സിപിഎം പ്രവര്ത്തകരുടെ ശ്രമം. ഇന്നലെ ഉച്ചക്കായിരുന്നു സംഭവം. കൊല്ലം ഹൈസ്കൂള് ജംഗ്ഷന് കച്ചേരിമുക്കില് സ്ഥിതി ചെയ്യുന്ന ബിജെപി ജില്ലാ ഓഫീസായ ദീനദയാല് ഭവന് മുന്നിലായിരുന്നു സംഭവം. ബിജെപി ജില്ലാ പ്രസിഡന്റ് ജി.ഗോപിനാഥ്, ബിജെപി സംസ്ഥാന നേതാക്കളും ഓഫീസിലിരുന്ന് തെരഞ്ഞെടുപ്പ് ഫലം ടെലിവിഷനില് വീക്ഷിക്കുന്ന സമയത്തായിരുന്നു ഒരു സംഘം സിപിഎം പ്രവര്ത്തകര് ഓഫീസിന് മുന്നിലെത്തി കടന്നുകയറി പടക്കം പൊട്ടിച്ചത്. തുടര്ന്ന് ശബ്ദം കേട്ട് പുറത്തിറങ്ങിയ പ്രവര്ത്തകരുടെയും നേതാക്കളുടെയും നേരം അസഭ്യം പറയുകയും മനപൂര്വം സംഘര്ഷം സൃഷ്ടിക്കാന് ശ്രമിക്കുകയുമായിരുന്നു. എന്നാല് ബിജെപി നേതാക്കള് സമീപനം പാലിച്ചതിനാല് സംഘര്ഷം ഒഴിവായി. തുടര്ന്ന് സ്ഥലത്ത് പോലീസെത്തുന്നത് കണ്ട് സിപിഎം സംഘം അവിടെ നിന്നും രക്ഷപ്പെടുകയായിരുന്നു. സംഭവത്തില് ബിജെപി ജില്ലാ നേതൃത്വം ശക്തമായി പ്രതിഷേധിച്ചു. ആഹ്ലാദത്തിന്റെ മറവില് ബിജെപി ഓഫീസ് അക്രമിക്കാനുള്ള ആസൂത്രീത നീക്കമായിരുന്നു ഓഫീസിന് മുന്നിലുണ്ടായതെന്ന് ബിജെപി ജില്ലാ പ്രസിഡന്റ് ജി.ഗോപിനാഥ് പറഞ്ഞു. ഭരണം കിട്ടിയ മറവില് അക്രമരാഷ്ട്രീയം നടത്താനുള്ള സിപിഎമ്മിന്റെ വ്യാമോഹം നടക്കില്ലെന്ന് അദ്ദേഹം പറഞ്ഞു.
ബിജെപി ജില്ലാ ഓഫീസിന് മുന്നില് സിപിഎം അക്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.