ഉയര്‍ന്ന ഭൂരിപക്ഷം ആരിഫിന് കുറഞ്ഞത് തോമസ് ചാണ്ടിക്ക

ആലപ്പുഴ: ജില്ലയില്‍ ഉയര്‍ന്ന ഭൂരിപക്ഷം അരൂരിലെ ഇടതു സ്ഥാനാര്‍ത്ഥി എ.എം. ആരിഫിന്. കുറഞ്ഞഭൂരിപക്ഷം കുട്ടനാട്ടിലെ ഇടതു സ്ഥാനാര്‍ത്ഥി തോമസ് ചാണ്ടിക്ക്. അരൂരിലെ ആരിഫിന് 84,720 വോട്ടുകളാണ് ലഭിച്ചത്. തൊട്ടടുത്ത കോണ്‍ഗ്രസിന്റെ അഡ്വ. സി.ആര്‍. ജയപ്രകാശിന് 46,201 വോട്ടുകള്‍ ലഭിച്ചു. എന്‍ഡിഎയുടെ ടി. അനിയപ്പന് 27,753 വോട്ടുകള്‍ ലഭിച്ചു. 38519 വോട്ടുകളുടെ ഭൂരിപക്ഷമാണ് ആരിഫിന് ലഭിച്ചത്.

മാവേലിക്കരയില്‍ സിപിഎമ്മിലെ ആര്‍. രാജേഷിന് 31,542 വോട്ടുകളുടെ ഭൂരിപക്ഷം ലഭിച്ചു. രാജേഷിന് 74,555 വോട്ടുകളാണ് ലഭിച്ചത്. കോണ്ഗ്രസിന്റെ ബൈജു കലാശാലയ്‌ക്ക് 43,013 വോട്ടുകളും ബിജെപിയുടെ പി.എം. വേലായുധന് 30,929 വോട്ടുകളും ലഭിച്ചു.

ആലപ്പുഴയില്‍ സിപിഎമ്മിലെ ടി.എം. തോമസ് ഐസകിന് 31,032 വോട്ടുകളുടെ ഭൂരിപക്ഷമാണ് ലഭിച്ചത്. ഐസകിന് ആകെ 83,211 വോട്ടുകള്‍ ലഭിച്ചു. കോണ്‍ഗ്രസിന്റെ ലാലി വിന്‍സെന്റിന് 52,179 വോട്ടുകളും ബിജെപിയുടെ അഡ്വ. രണ്‍ജിത് ശ്രീനിവാസന് 18,214 വോട്ടുകളും ലഭിച്ചു.

അമ്പലപ്പുഴ മണ്ഡലത്തില്‍ സിപിഎമ്മിലെ ജി. സുധാകരന് 22,621 വോട്ടുകളുടെ ഭൂരിപക്ഷം ലഭിച്ചു. സുധാകരന് 63,069 വോട്ടുകളും ജനതാദള്‍ യുവിന്റെ ഷേക് പി. ഹാരിസിന് 40,488 വോട്ടുകളും ലഭിച്ചു. ബിജെപിയുടെ എല്‍.പി. ജയചന്ദ്രന് 22,730 വോട്ടുകളാണ് ലഭിച്ചത്.

ഹരിപ്പാട് കോണ്‍ഗ്രസിലെ രമേശ് ചെന്നിത്തലയ്‌ക്ക് 18,621 വോട്ടുകളുടെ ഭൂരിപക്ഷം ലഭിച്ചു. ചെന്നിത്തലയ്‌ക്ക് 75,980 വോട്ടുകളും സിപിഐയുടെ പി. പ്രസാദിന് 57,358 വോട്ടുകളുമാണ് ലഭിച്ചത്. ബിജെപിയുടെ ഡി. അശ്വനീദേവിന് 12,985 വോട്ടുകള്‍ ലഭിച്ചു.

കായംകുളത്ത് സിപിഎമ്മിലെ അഡ്വ.യു. പ്രതിഭാഹരിക്ക് 11,857 വോട്ടുകളുടെ ഭൂരിപക്ഷം ലഭിച്ചു. പ്രതിഭയ്‌ക്ക് 72,956ഉം കോണ്‍ഗ്രസിലെ എം. ലിജുവിന് 61,099 വോട്ടുകളുമാണ് ലഭിച്ചത്. ബിഡിജെഎസിന്റെ ഷാജി എം. പണിക്കര്‍ക്ക് 20,000 വോട്ടുകളും ലഭിച്ചു.

ചെങ്ങന്നൂരില്‍ സിപിഎമ്മിന്റെ കെ.കെ.രാമചന്ദ്രന്‍ നായര്‍ക്ക് 7,983 വോട്ടുകളുടെ ഭൂരിപക്ഷമാണ് ലഭിച്ചത്. രാമചന്ദ്രന്‍ നായര്‍ക്ക് 52,880 വോട്ടുകളും കോണ്‍ഗ്രസിന്റെ പി.സി. വിഷ്ണുനാഥിന് 44,897 വോട്ടുകളും ബിജെപിയുടെ അഡ്വ. പി.എസ്. ശ്രീധരന്‍പിള്ളയ്‌ക്ക് 42,682 വോട്ടുകളും ലഭിച്ചു.

ചേര്‍ത്തലയില്‍ സിപിഐയുടെ പി. തിലോത്തമന് 7,196 വോട്ടുകളുടെ ഭൂരിപക്ഷം ലഭിച്ചു. തിലോത്തമന് 81,197 വോട്ടുകളും കോണ്‍ഗ്രസിന്റെ എസ്. ശരത്തിന് 74,001 വോട്ടുകളും ലഭിച്ചു. ബിഡിജെഎസിന്റെ പി.എസ്. രാജീവിന് 19,614 വോട്ടുകളാണ് ലഭിച്ചത്.

കുട്ടനാട്ടില്‍ എന്‍സിപിയുടെ തോമസ് ചാണ്ടിക്ക് 4,891 വോട്ടുകളുടെ ഭൂരിപക്ഷമാണ് ലഭിച്ചത്. ചാണ്ടിക്ക് 50,114 വോട്ടുകളും കേരളാ കോണ്‍ഗ്രസ് മാണി വിഭാഗത്തിന്റെ അഡ്വ. ജേക്കബ് എബ്രഹാമിന് 45,223 വോട്ടുകളും ലഭിച്ചു. ബിഡിജെഎസിന്റെ സുഭാഷ് വാസുവിന് ഇവിടെ 33,044 വോട്ടുകള്‍ ലഭിച്ചു.