കുണ്ടറ: വഴിമുട്ടിയ കേരളം വഴികാട്ടാന് ബി.ജെ.പി എന്ന മുദ്രാവാക്യമുയര്ത്തി തെരഞ്ഞെടുപ്പിനെ നേരിടുന്ന ബിജെപിയെ മണ്ഡലത്തിലെ ജനങ്ങള് ഇരുകൈയ്യും നീട്ടി സ്വീകരിക്കുന്ന അനുഭവമാണ് കുണ്ടറയിലേതെന്ന് സ്ഥാനാ ര്ത്ഥി എം.എസ്. ശ്യാംകുമാര്. മണ്ഡലത്തില് പ്രവര്ത്തനം ആരംഭിച്ചതു മുതല് ശ്യാംകുമാറിന് മത, കക്ഷി,വര്ഗഭേദമന്യേ ആവേശ്വോജ്വലമായ സ്വീകരണമാണ് ലഭിച്ചുക്കൊണ്ടിരിക്കുന്നത്.
മണ്ഡലത്തിലെ കയര്, കശുവണ്ടി മേഖലകളില് ജോലിയെടുക്കുന്നവര് തൊഴില്പരമായും സാമ്പത്തികപരമായും നേരിടുന്ന പ്രശ്നങ്ങള് സ്വീകരണസ്ഥലങ്ങളില് ശ്യാംകുമാറുമായി പങ്കുവെച്ചു. ഈ മേഖലകളില് പണിയെടുത്തിരുന്ന പ്രായമായ അമ്മമാര് തങ്ങള്ക്ക് ക്ഷേമപെന്ഷനുകള് കിട്ടിയിട്ട് മാസങ്ങളായെന്നും കുടുംബജീവിതം മുമ്പോട്ടുകൊണ്ടുപോകുവാന് പ്രയാസമാണെന്നും അദ്ദേഹത്തെ അറിയിച്ചു.
ബിജെപി അധികാരത്തിലെത്തിയാല് മാത്രമേ പ്രശ്നങ്ങള്ക്ക് ശാശ്വതമായ ഒരു പരിഹാരം ഉണ്ടാകൂ എന്ന തിരിച്ചറിവാണ് എം.എസ്. ശ്യാം കുമാറുമായി ചര്ച്ച ചെയ്യുവാന് ഇവര്ക്ക് പ്രേരണയായത്.
കുട്ടികള് മുതല് പ്രായമായവര് വരെ ചുട്ടുപൊള്ളുന്ന വെയില് വകവയ്ക്കാതെ സ്ഥാനാര്ത്ഥിയെ വരവേല്ക്കാനും സ്വീകരിക്കാനും കാത്തുനില്ക്കുന്ന കാഴ്ചയാണ് മണ്ഡലത്തിലെമ്പാടും. ഇടതുവലത് ശക്തികള് ഒറ്റക്കെട്ടായി ബിജെപി അധികാരത്തിലെത്താതിരിക്കാനുള്ള തന്ത്രങ്ങള് മെനയുകയാണ്. എന്നാല് ഭാരതത്തിലെ മറ്റ് സംസ്ഥാനങ്ങളിലേതുപോലെ തന്നെ കേരളത്തിലെ ജനങ്ങളും ബിജെപി അധികാരത്തിലെത്തണമെന്ന് അതിയായി ആഗ്രഹിക്കുന്നുണ്ടെന്നും മണ്ഡലത്തിലെ ജനങ്ങള് അതിനുള്ള ശക്തിയും കരുത്തും പിന്തുണയുമാണ് തങ്ങള്ക്ക് നല്കുന്നതെന്നും ഇളമ്പള്ളൂരില് നല്കിയ സ്വീകരണത്തില് ശ്യാംകുമാര് പറഞ്ഞു.
മണ്ഡലത്തിന് വികസന സ്വപ്നങ്ങള് ഏറെയുണ്ടെന്നും അത് നിറവേറ്റുന്നതിനുള്ള ഒരു പ്രതീകം മാത്രമാണ് താനെന്നും അതിനുവേണ്ടി മണ്ഡലത്തിലെ എല്ലാവരും ഭാഗമാകണമെന്നും അദ്ദേഹം പറഞ്ഞു.
