കേരളജനതയുടെ ഭക്ഷണപദാര്ത്ഥങ്ങളില്, കുടിവെള്ളത്തില് എന്നുവേണ്ട ശ്വസിക്കുന്ന പ്രാണവായുവിനുവരെ വിഷാംശങ്ങളാണ്.
മനുഷ്യന്റെ വിസര്ജ്യവസ്തുക്കള് പരിശോധിക്കുന്ന ലാബുകള് ദിനംതോറും കൂടിവരികയും തഴച്ചുവളരുകയും ചെയ്യുന്നു. നാം കഴിക്കുന്ന ഭക്ഷണത്തിലെ മാലിന്യങ്ങള് പരിശോധിക്കാന് ലാബുകള് ഉണ്ടാകുന്നില്ല!!
പഴവര്ഗ്ഗങ്ങളും പച്ചക്കറികളൂം തെരുവോരങ്ങള് കൈയടക്കി കച്ചവടം പൊടിപൊടിക്കുന്നു. ഇവയ്ക്ക് ലൈസന്സുകള് ഉണ്ടോ എന്ന് പരിശോധിക്കാന് സംവിധാനമുണ്ടോ? ഉണ്ടെങ്കില് വേണ്ടവിധത്തില് ഉപയോഗിക്കുന്നുണ്ടോ? പഴവര്ഗ്ഗ പച്ചക്കറിക്കടകള് വര്ധിക്കുംതോറും കേരളജനതയുടെ ആരോഗ്യം കുറഞ്ഞുവരുന്നു. ജനങ്ങളുടെ ജീവന്കൊണ്ട് കളിക്കുന്ന ഈ പ്രവണത അവസാനിപ്പിക്കാന് എന്ത് സംവിധാനമാണ് ഉള്ളത്?
ജനങ്ങളും സര്ക്കാരും ബോധവാന്മാരായാല് കുറെ നിയന്ത്രിക്കാന് കഴിയും. വിഷംകലര്ന്ന പച്ചക്കറികള്, പഴവര്ഗ്ഗങ്ങള് എന്നിവ വേണ്ടെന്ന് തീരുമാനിച്ച് ഒരാഴ്ചക്കാലം ആരും വാങ്ങാതിരുന്നാല് വിഷം കുത്തിനിറച്ച ഈ വസ്തുക്കള് വില്ക്കാതെവരും. പാല് ഉല്പ്പന്നങ്ങളില്വരെ ഇപ്പോള് മായമാണ്, ശീതളപാനീയങ്ങളിലും വിഷാംശമാണ്.
പാന്മസാലകള് കേരളത്തില് നിരോധിച്ചിരിക്കുന്നു. എവിടെ കണ്ടാലും അവ നശിപ്പിക്കുകയും കച്ചവടക്കാര്ക്ക് പിഴ ഈടാക്കുകയും ചെയ്യുന്നു. അതുപോലെ ഭക്ഷണപദാര്ത്ഥങ്ങളെയും നല്ലരീതിയില് പരിശോധിക്കുകയും സാധാരണജനങ്ങള്ക്ക് പരിശോധന നടത്തുവാന് ലാബുകള് സജ്ജമാക്കുകയും വേണം. പച്ചക്കറികള് പലതും വിളയും മുമ്പേ, വില്ക്കും മുമ്പേ വിഷംചേര്ത്തവയാകുന്നു.
ഇറക്കുമതി പച്ചക്കറിക്കിടയില് പിടിച്ചുനില്ക്കാന് ഇതല്ലാതെ എന്താണ് പരിഹാരം എന്നാണ് കൃഷിക്കാര് ചോദിക്കുന്നത്.
നമ്മുടെ ആരോഗ്യം വീണ്ടെടുക്കാന് സര്ക്കാരും ജനങ്ങളും രാഷ്ട്രീയ പ്രസ്ഥാനങ്ങളും ഒത്തൊരുമിച്ച് രംഗത്തിറങ്ങേണ്ട സമയം അതിക്രമിച്ചുകഴിഞ്ഞിരിക്കുന്നു. വഴിയോരങ്ങളിലും മറ്റും നടത്തുന്ന കച്ചവടസ്ഥാപനങ്ങളിലും ഹോള്സെയില് കച്ചവടസ്ഥാപനങ്ങളിലും ഭക്ഷ്യവകുപ്പ് കര്ശനമായി പരിശോധനകള് നടത്തുകയും വിഷാംശമുള്ളവ കണ്ടുകെട്ടുകയുംവേണം. നല്ലയിനം പ്രതിരോധശേഷിയുള്ള പച്ചക്കറിവിത്തുകള് സാധാരണക്കാരന് ലഭ്യമാകുന്നവിധത്തില് റേഷന്കടകള് വഴി വിതരണം ചെയ്യുകയും നമ്മുടെ ആവശ്യത്തിന് വേണ്ടതായ പച്ചക്കറികള് നാംതന്നെ ഉണ്ടാക്കുകയും ചെയ്യാം.
ആഡംബരത്തിനും ആഭിജാത്യത്തിനുംവേണ്ടി പഴവര്ഗങ്ങള് വാരിക്കോരി ഉപയോഗിക്കുന്ന പ്രവണത നിര്ത്തുകയും ചെയ്യുക. നമ്മുടെ കുഞ്ഞുങ്ങള്ക്ക് നാം സന്തോഷപൂര്വം സ്നേഹപൂര്വം നല്കുന്ന പഴവര്ഗങ്ങള് അവരുടെ മരണത്തിലേക്ക് നയിക്കുകയാണെന്ന് മനസിലാക്കണം.
രോഗത്തെ വിളിച്ചുവരുത്തി ചികിത്സിക്കാതെ ആരോഗ്യത്തോടെ ജീവിക്കാനുള്ള വഴികള് ജനങ്ങളും സര്ക്കാരും കൂട്ടായി പ്രവര്ത്തിച്ചാല് ഒരുപരിധിവരെ ഇവയ്ക്ക് പരിഹാരം കാണാന് കഴിയും.
ഒ.പി. നമ്പീശന്, മഞ്ചേരി
