നീണ്ടകര: സര്ക്കാര് സ്കൂളിലെ കുട്ടികളും പഠനത്തില് മോശക്കാരല്ല എന്നു തെളിയിക്കുകയാണ് നീണ്ടകര പുത്തന്തുറ അരയസമാജം ഗവ.ഹയര് സെക്കന്ഡറി സ്കൂളിലെ കുട്ടികളും അവരെ പ്രാപ്തരാക്കിയ അധ്യാപകരും. തുടര്ച്ചയായി നാലാംതവണയും എസ്എസ്എല്സി പരീക്ഷാഫലം വന്നപ്പോള് പ്രതീക്ഷക്കൊത്ത് ഉയര്ന്ന് നൂറ് ശതമാനം വിജയവുമായി സര്ക്കാര് സ്കൂളിന്റെ അഭിമാനം കാത്ത് രക്ഷിക്കുകയാണ് ഈ സ്കൂളിലെ കുട്ടികള്. മുപ്പത്തിയേഴ് പേര് പരീക്ഷ എഴുതിയതില് ഒരു കുട്ടിക്ക് എല്ലാ വിഷയത്തിനും എ പ്ലസും മറ്റൊരു കുട്ടിക്ക് ഒന്പത് വിഷയങ്ങള്ക്ക് എ പ്ലസും നേടി മുപ്പത്തിയേഴ് പേരുടെയും വിജയനേട്ടത്തിനു പിന്നില് അധ്യാപകര്, പിടിഎ എന്നിവരുടെ അശ്രാന്ത പരിശ്രമത്തിന്റെ വിജയമാണിത്. ചിട്ടയായ പഠനത്തിലൂടെ കുട്ടികളുടെ മനസറിഞ്ഞ് അവരില് ഒരാളായി നിന്നുകൊണ്ട് തങ്ങളുടെ സ്വന്തം മക്കളെപ്പോലെ ഇവിടുത്തെ കുട്ടികള്ക്ക് വേണ്ടി സ്കൂള് സമയം കഴിഞ്ഞും പ്രത്യേക ക്ലാസ് നടത്തിയാണ് നേട്ടം കൊയ്തത്. പ്രയാസമനുഭവപ്പെടുന്ന വിഷയങ്ങള്ക്ക് പ്രത്യേക പ്രാധാന്യം നല്കി ഡിസംബര് മാസത്തില് പാഠങ്ങള് പഠിപ്പിച്ച് തീര്ത്ത ശേഷം എ, ബി, സി എന്നിങ്ങനെ കുട്ടികളെ തിരിച്ച് പഠനത്തില് പിന്നാക്കം നില്ക്കുന്നവര്ക്ക് പ്രത്യേക പരിഗണന നല്കി.
പുത്തന്തുറ ഗവ.സ്കൂളിന് നാലാംതവണയും മികച്ച നേട്ടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.