ഋഷീശ്വരന്മാരുടെ പ്രവചനങ്ങള് സത്യമാണോ എന്നുസംശയിക്കുന്നവര് ഉണ്ട്. എന്നാല് അവര് പറഞ്ഞിട്ടുള്ളതെല്ലാം ശരിയായിട്ടുണ്ട്. കലിയുഗത്തെപറ്റി ഭാഗവതത്തില് പറഞ്ഞിട്ടുള്ളതെല്ലാം അതുപോലെ നടക്കുന്നില്ലേ? തനയനെ ജനകന് തിന്നും, ജനകനെ തനയന് തിന്നും കാടുകളെല്ലാം വീടുകളാകും, വീടുകളെല്ലാം പീടികയാവും ഇതുപോലെയല്ലേ ഇന്നോരോന്നും ഈ ഭൂമിയില് നടക്കുന്നത്? ഋഷീശ്വരന്മാര് ഇലകളും ഫലമൂലങ്ങളും ഭക്ഷിച്ച് തപസ്സനുഷ്ഠിച്ച് സത്യത്തെസാക്ഷാത്കരിച്ചു.
നമ്മളോ? ആഹാരം കഴിക്കാന് വേണ്ടിമാത്രം ജീവിക്കുന്നു.
യുഗങ്ങള്ക്കു മുന്പുതന്നെ നമ്മുടെ ഋഷീശ്വരന്മാര് പലകാര്യങ്ങളും കണ്ടു പിടിച്ചിരിക്കുന്നു. നാമിന്ന് അതിശയമായി കരുതുന്ന പലകണ്ടു പിടിത്തങ്ങളും അവര് നിസ്സാരമായി കൈകാര്യചെയ്തിരുന്നു. ശാസ്ത്രജ്ഞന്മാര് ടെസ്റ്റ്യൂബ് ശിശുവിനെ നിര്മ്മിച്ചു. എന്നാല് കൗരവന്മാര് നൂറ്റൊന്നു പേരേയും കുടത്തിനുള്ളില് വച്ചല്ലേ വ്യാസഭഗവാന് സൃഷ്ടിച്ചത്. വെറും മാംസപിണ്ഡത്തിനാണദ്ദേഹം ജീവന് വയ്പ്പിച്ചത് എന്നോര്ക്കണം. ! ഇതുമായി തട്ടിച്ചു നോക്കേിയാല് ഇന്നത്തെ ടെസ്റ്റിയൂബ് ശിശുക്കള് ഒന്നുമല്ല.
അതുപോലെ രാമായണത്തില് പുഷ്പകവിമാനത്തെകുറിച്ചു പറയുന്നില്ലേ? ഇന്നത്തെ ശാസ്ത്രജ്ഞന്മാര് എന്നാണ് വിമാനം കണ്ടു പിടിച്ചത്.? അതുപോലെ എന്തെല്ലാം.നമ്മുടെ കണ്മുന്നില് നടന്നിരിക്കുന്നു.ശാസ്ത്രകാരന്മാര് ചെയ്തതിനെ തീര്ത്തും നമുക്കുതള്ളിപ്പറയാനാകില്ല, തപസ്സിനാല് കണ്ടത്താത്തതൊന്നും നമുക്കുമുന്നില് ഇല്ല എന്നാണ് മുനിമാരുടെ പ്രവര്ത്തികളെ കുറിച്ചോര്ത്താല് ഉറപ്പിക്കാവുന്നത്.
മുന്കാലങ്ങളില് വീടുകള് തമ്മില് വളരെ അകലമുണ്ടായിരുന്നു. ചുറ്റിലും ധാരാളം ഔഷധച്ചടികളും. നട്ടുപിടിപ്പിച്ചിരുന്നു.
വേപ്പ് അത്തി ഇത്തി എന്നിങ്ങനെ പലതും. അതിനെ തഴുകി വരുന്ന കാറ്റിനുതന്നെ വളരെ ഔഷധവീര്യം നിറഞ്ഞിരുന്നു.അത് അന്തരീക്ഷത്തിനെ ശുദ്ധീകരിക്കുന്നു. അന്നത്തെ ജനങ്ങള് വളരെ ആരോഗ്യവാന്മാരായിരുന്നു. തന്നെയുമല്ല അവര്ക്ക് സത്യസന്ധത ജീവവായു പോലെയായിരുന്നു. എന്നാല് ഇന്ന് അതെല്ലാം നമ്മില് നിന്ന് തന്നെ അകന്നുപോയിരിക്കുന്നു. വൃക്ഷങ്ങലായ വൃക്ഷങ്ങളെല്ലാം നമ്മുടെ പറമ്പില്നിന്ന് മുറിച്ചു കളയുവാനാണ് നമ്മുടെ ഉദ്യമങ്ങള്. എന്നിട്ട അവിടെ പുതിയവൃക്ഷങ്ങല് വയ്ക്കാനല്ല, മറിച്ച് അവിടെ വീടു വയ്ക്കുന്നതിനും. കടമുറികള് പണിയുന്നതിനുമാണ് ശ്രദ്ധവയ്ക്കുന്നത്.
സത്യത്തിനും ധര്മ്മത്തിനും വിലഇല്ലാതായി. പരസ്പര വിശ്വാസവും സ്നേഹവും ക്ഷമയും ആത്മാര്ത്ഥതയും ത്യാഗവും ഇന്നാര്ക്കുണ്ട്. മഴയും വെയിലും ക്രമത്തിലല്ലാതായി കഴിഞ്ഞു. മനുഷ്യരുടെ പ്രവര്ത്തനത്താലാണിതെല്ലാം. മുനിമാര് ഇതെല്ലാം നേരത്തെ പ്രവചിച്ചിട്ടുണ്ട്. അതുപോലെയാണ് ഇതെല്ലാം നടക്കുന്നത്.
