വളപുരം ശുദ്ധജല പദ്ധതി കൃത്യമായി പ്രവര്‍ത്തിക്കുന്നില്ലെന്ന് പരാതി

പുലാമന്തോള്‍: പുഴയില്‍ ആവശ്യത്തിന്നു വെള്ളമുണ്ടായിട്ടും കുടിവെള്ളക്ഷാമം രൂക്ഷമായ ചെമ്മലശ്ശേരി പാറക്കടവ് മനങ്ങനാട് വളപുരം ഭാഗങ്ങളിലേക്കുള്ള കുടിവെള്ളപദ്ധതിയായ ചെമ്മലശ്ശേരി ആലിക്കല്‍ കടവിലെ കുടിവെള്ള പദ്ധതിയിലെ പമ്പിംഗ് തോന്നിയപോലെയെന്ന് നാട്ടുകാരുടെ പരാതി.

കഴിഞ്ഞ വര്‍ഷങ്ങളില്‍ ഒന്നിടവിട്ട ദിവസങ്ങളില്‍ കുടിവെള്ളം പമ്പ് ചെയ്തിരുന്ന പദ്ധതിയില്‍ ഈ വര്‍ഷം മൂന്നോ നാലോ ദിവസം കൂടുമ്പോഴാണ് പമ്പിംഗ് നടക്കുന്നത്. പാറക്കടവ് ചെമ്മലശ്ശേരി ഭാഗങ്ങളിലെ ജനങ്ങള്‍ക്ക് ഏക ആശ്രയമായ ഈ കുടിവെള്ള പദ്ധതിയിലെ അപകാത നാട്ടുകാര്‍ക്കിടയില്‍ പ്രതിഷേധത്തിന് കാരണമാകുന്നുണ്ട്. അധികൃതര്‍ക്ക് തോന്നിയ സമയങ്ങളില്‍ ചുരുങ്ങിയ സമയം മാത്രം പമ്പിംഗ് നടക്കുന്നത് കൊണ്ട് പലപ്പോഴും മനങ്ങനാട് പോലുള്ള ഉയര്‍ന്ന പ്രദേശങ്ങളില്‍ വെള്ളം എത്തുന്നില്ല എന്ന പരാതിയും നിലനില്‍ക്കുന്നു