കൊല്ലം: ദളിത്-പിന്നോക്ക വിഭാഗങ്ങളുടെ ഉന്നമനം മാത്രം ലക്ഷ്യമിട്ട് പ്രവര്ത്തിക്കുന്നതില് നരേന്ദ്രമോദി നയിക്കുന്ന കേന്ദ്രസര്ക്കാര് ഒന്നാം സ്ഥാനത്താണെന്നും മോദിസര്ക്കാര് പിന്നോക്ക ന്യൂനപക്ഷ സമുദായങ്ങളുടെ ഉന്നമനം ലക്ഷ്യമിടുന്നതായും ജെഎസ്എസ് സംസ്ഥാന ജനറല് സെക്രട്ടറി അഡ്വ.എ. എന്.രാജന്ബാബു പറഞ്ഞു.
കൊല്ലം നിയോജകമണ്ഡലം എന്ഡിഎയുടെ തെരഞ്ഞെടുപ്പ് കാര്യാലയം ഉദ്ഘാടനം ചെയ്യുകയായിരുന്നു അദ്ദേഹം.
ഇടത്-വലത് മുന്നണികളുടെ അഴിമതിയും അവഗണനയും സാധാരണ ജനങ്ങളെ നിസഹായമായ ഒരു അവസ്ഥയില് എത്തിച്ചിരിക്കുന്നുവെന്നും അദ്ദേഹം പറഞ്ഞു.
ആര്എസ്എസ് മഹാനഗര് സംഘചാലക് ആര്.കെ.ഗോപാലകൃഷ്ണനും രാജന്ബാബുവും ചേര്ന്ന് എന്ഡിഎ കാര്യാലയത്തിന്റെ ഉദ്ഘാടനം നിര്വഹിച്ചു.
ബിജെപി ദക്ഷിണ മേഖലാജനറല് സെക്രട്ടറി എം.സുനില്, ബിഡിജെഎസ് നേതാവ് വലിയകാവ് രാജു, പ്രേംലാല്, പി.സി.തോമസ് വിഭാഗം നേതാവ് വിശ്വജിത്ത്, ബിജെപി ജില്ലാ ജനറല് സെക്രട്ടറി സുജിത്ത് സുകുമാരന്, ആര്എസ്എസ് വിഭാഗ് കാര്യകാരി സദസ്യന് വി.മുരളീധരന്, അഭിഭാഷക പരിഷത്ത് ദേശീയ സെക്രട്ടറി അഡ്വ.ആര്.രാജേന്ദ്രന് എന്നിവര് സംസാരിച്ചു. ബിജെപി മണ്ഡലം പ്രസിഡന്റ് വിനോദ് അദ്ധ്യക്ഷത വഹിച്ചു.
