കടുവകള്‍ ഏറ്റവും കൂടുതല്‍ ഭാരതത്തില്‍

ന്യൂദല്‍ഹി: ലോകത്തേറ്റവും കൂടുതല്‍ കടുവകളുള്ളത് ഭാരതത്തില്‍. 2226 കടുവകള്‍ ഭാരതത്തിലുണ്ടെന്നാണ് സര്‍വ്വേകള്‍ വെളിപ്പെടുത്തുന്നത്. 433 കടുവകളുള്ള റഷ്യയാണ് രണ്ടാമത്. ഇന്തോനേഷ്യ 371, മലേഷ്യ 250, നേപ്പാള്‍ 198, തായ്‌ലന്‍ഡ് 189, ബംഗഌദേശ് 106, ഭൂട്ടാന്‍ 103, ചൈന 7, വിയറ്റ്‌നാം 5, ലാവോസ് 2 എന്നിങ്ങനെയാണ് ഏകദേശ കണക്ക്.

മ്യാന്‍മറില്‍ 2010ല്‍ 85 കടുവകളുണ്ടായിരുന്നു. എന്നാല്‍ പുതിയ കണക്ക് ലഭ്യമല്ല.

ഭാരതത്തില്‍ കര്‍ണ്ണാടകത്തിലാണ് ഏറ്റവും കൂടുതല്‍ 406. കേരളത്തില്‍ 136 കടുവകളാണ് ഉള്ളത്.

ലോകത്ത് കടുവകളുടെ എണ്ണം ആറു വര്‍ഷം കൊണ്ട് വര്‍ദ്ധിച്ചിട്ടുണ്ട്. മൊത്തം 22 ശതമാനം വര്‍ദ്ധന. ഭാരതത്തില്‍ 500 കടുവകളാണ് കൂടിയത്. ലോകത്ത് മൊത്തം ഇന്ന് 3890 കടുവകളുണ്ട്. 2010ല്‍ ഇവയുടെ എണ്ണം 3200 മാത്രമായിരുന്നു. കടുവകളുടെ സംരക്ഷണത്തിന് സര്‍ക്കാര്‍ ഈ വര്‍ഷം ബജറ്റില്‍ നീക്കിവച്ചിരിക്കുന്നത് 380 കോടിയാണ്. റെക്കാര്‍ഡ് തുകയാണിത്.