കൊട്ടാരക്കര: ബിജെപിയുടെ മഹാസമ്പര്ക്ക യജ്ഞത്തിന് തുടക്കമായി. വിഭജിക്കുന്ന രാഷ്ട്രീയമല്ല, വേണ്ടത് തുല്യനീതിയും വികസനവുമാണന്ന് ജനങ്ങളെ ബോധ്യപെടുത്താന് ബിജെപി നടത്തുന്ന മഹാസമ്പര്ക്ക യജ്ഞത്തിന് കൊട്ടാരക്കരയില് തുടക്കമായി. കൊട്ടാരക്കര ശ്രീധരന്നായരുടെ ഭാര്യ വിജയലക്ഷ്മി അമ്മയെ സന്ദര്ശിച്ച് ആദ്യലഘുലേഖ നല്കി ജില്ലാ ജനറല്സെക്രട്ടറി അഡ്വ. പി.അരുള് സമ്പര്ക്കയജ്ഞം ഉദ്ഘാടനം ചെയ്തു.
ബിജെപിയെ എതിര്ക്കാന് വേണ്ടി രാജ്യത്തെ തകര്ക്കുന്ന പ്രതിപക്ഷകക്ഷികളുടെ നിലപാടുകളിലെ പൊള്ളത്തരങ്ങള് സമ്പര്ക്കയജ്ഞം കഴിയുമ്പോള് ജനം തിരിച്ചറിയുമെന്ന് അരുള് പറഞ്ഞു. കേന്ദ്രസര്ക്കാരിന്റെ ഭരണനേട്ടങ്ങള്, ദേശവിരുദ്ധരുടെ പുതിയ ഉപായങ്ങള്, സിപിഎമ്മിന്റെ ദളിത്പീഡനങ്ങള്, അരുംകൊലകള്, കോണ്ഗ്രസ് അഴിമതിയും സിപിഎം ഒത്തു തീര്പ്പും, സമകാലിക സംഭവങ്ങള് എന്നിവയാണ് ലഘുലേഖയായി ജനങ്ങ ളിലെത്തിക്കുന്നത്. ജില്ലാസെക്രട്ടറി അഡ്വ.വയയ്ക്കല് സോമന്, ജില്ലാ വൈസ്പ്രസിഡന്റ് ദിനേശ്, മണ്ഡലം പ്രസിഡന്റ് സി.വിജയകുമാര്, ജനറല്സെക്രട്ടറി മാലയില് അനില്,നേതാക്കളായ പ്രജീഷ്, ചാലൂക്കോണം അജിത്ത്, അഡ്വ.കൃഷ്ണകുമാര് എന്നിവര് നേതൃത്വം നല്കി. മണ്ഡലത്തിലെ എല്ലാ വീടുകളിലും 18നകം സമ്പര്ക്കം പൂര്ത്തിയാകുമെന്ന് സി.വിജയകുമാര് പറഞ്ഞു.
കുന്നത്തൂര്: നിയമസഭ തെരഞ്ഞെടുപ്പിന് മുന്നോടിയായിട്ടുള്ള ബിജെപിയുടെ ഗൃഹസമ്പര്ക്കത്തിന് കുന്നത്തൂര് നിയോജക മണ്ഡലത്തില് തുടക്കമായി. പ്രചാരണത്തിന്റെ ആദ്യപടിയെന്നുള്ള നിലയിലാണ് ഗൃഹസമ്പര്ക്കം ആരംഭിച്ചത്. കേന്ദ്രസര്ക്കാരിന്റെ ജനക്ഷേമ പദ്ധതികള് പൊതുജനങ്ങളില് എത്തിക്കുകയെന്നുള്ളതാണ് സമ്പര്ക്കലക്ഷ്യം. ഭരണിക്കാവില് മണ്ഡലം പ്രസിഡന്റ് രാജേന്ദ്രന്പിള്ളയുടെ നേതൃത്വത്തിലാണ് സമ്പര്ക്കത്തിന് തുടക്കം കുറിച്ചത്. മണ്ഡലം ജനറല് സെക്രട്ടറിമാരായ പി.എന്.മുരളീധരന്പിള്ള, ദിനചന്ദ്രന്, വൈസ് പ്രസിഡന്റ് മുതുപിലാക്കാട് രാജേന്ദ്രന് തുടങ്ങിയ നേതാക്കള് പങ്കെടുത്തു.
പുനലൂര്: ബിജെപി കരവാളൂര് പഞ്ചായത്ത് സമിതിയുടെ നേതൃത്വത്തില് കരവാളൂരില് ഗൃഹസമ്പര്ക്ക പരിപാടി നടത്തി. കേരളത്തില് വരാന് പോകുന്ന തെരഞ്ഞെടുപ്പില് ജനങ്ങള്ക്ക് മുന്നില് പുതുതായി ഒന്നും മുന്നോട്ട് വയ്ക്കാനില്ലാത്ത ഇടത്-വലത് മുന്നണികളുടെ പൊള്ളത്തരങ്ങള് തുറന്നുകാട്ടിയുള്ള ഗൃഹസമ്പര്ക്ക പരിപാടി രാവിലെ 10ന് ബിജെപി പഞ്ചായത്ത് സമിതി പ്രസിഡന്റ് ജി.ഗോപകുമാര് ഉദ്ഘാടനം ചെയ്തു.
കഴിഞ്ഞ 30 വര്ഷത്തിനിടയില് ഏറ്റവും വലിയ ഭൂരിപക്ഷവുമായി അധികാരത്തിലെത്തിയ നരേന്ദ്രമോദി സര്ക്കാരിന് വളര്ച്ചാനിരക്കില് ഭാരതത്തെ ലോകത്ത് ഒന്നാമതെത്തിക്കാന് കഴിഞ്ഞതായി അദ്ദേഹം പറഞ്ഞു. നിരവധി ജനോപകരമായപ്രദമായ നടപടികളിലൂടെ ബിജെപി സര്ക്കാര് കൂടുതല് ജനപിന്തുണ നേടുന്നത് സഹിക്കാനാകാതെ ഇടത്-വലത് മുന്നണികള് ദേശവിരുദ്ധ ശക്തികളുമായി കൈകോര്ത്ത് ബിജെപിയെ ഇല്ലായ്മ ചെയ്യാന് ശ്രമിക്കുകയാണ്.
കേന്ദ്ര പദ്ധതികളെല്ലാം തന്നെ തങ്ങളുടെ പദ്ധതിയാക്കാന് കേരളത്തിലെ ഭരണമുന്നണി ശ്രമിക്കുന്നതിലെ പൊള്ളത്തരങ്ങളും ജനങ്ങളിലെത്തിക്കാനായാണ് സമ്പര്ക്കപരിപാടിയെന്നും ഗോപകുമാര് പറഞ്ഞു. കെ.കെ.നായരുടെ അദ്ധ്യക്ഷതയില് കൂടിയ പരിപാടിയില് ഭാരവാഹികളായ വി.ശങ്കരമണി, വി.അനില്കുമാര് സരസ്വതിയമ്മ എന്നിവര് നേതൃത്വം നല്കി.
ചാത്തന്നൂര്: വിഭജിക്കുന്ന രാഷ്ട്രീയമല്ല, നമ്മുക്ക് വേണ്ടത് തുല്യനീതിയും വികസനവുമാണെന്ന മുദ്രവാക്യം ഉയര്ത്തി ബിജെപിയുടെ നേതൃത്വത്തില് നിയോജക മണ്ഡലത്തില് ഭവനസന്ദര്ശനം നടത്തി. ബിജെപി നിയോജക മണ്ഡലം സംയോജകന് മീനാട് ഉണ്ണി ഉദ്ഘാടനം നിര്വഹിച്ചു. ജനോപകാരപ്രദമായ രീതിയിലാണ് നരേന്ദ്രമോദി നയിക്കുന്ന എന്ഡിഎ സര്ക്കാര് ഭരിക്കുന്നതെന്നും അഴിമതിയെന്ന വാക്ക് പോലും ഭരണത്തില് ഇല്ലെന്നും അതിനെക്കുറിച്ച് ചര്ച്ച നടത്താന് ഇവിടുത്തെ മാധ്യമങ്ങള് തയാറാകണമെന്നും അദ്ദേഹം പറഞ്ഞു. മീനാട് ഗിരീഷ്, മീനാട് ഉല്ലാസ്, ശ്യാം എന്നിവര് നേതൃത്വം നല്കി.
