കളമശേരി: ഏലൂര് അലുപുരം പി.എം. പരീത് പിള്ള വാടകയ്ക്കു നല്കിയ മുണ്ടക്കല് വീട്ടില് നിന്നും2800 ലിറ്റര് വ്യാജ സ്പിരിറ്റും 1413 ലിറ്റര് വ്യാജ മദ്യവും (2826 കുപ്പി വിദേശ മദ്യം) പിടികൂടി. ലോറി ഡ്രൈവറും ക്ലീനറും അറസ്റ്റില്. കോഴിക്കോട് വടകര തൈക്കോണം വീട്ടില് ഷൈജു (37), ലോറി ഡ്രൈവര് ത്യശ്ശൂര് പുള്ള് ഇക്കണ്ടം പറമ്പില് സുനില് (49) എന്നിവരാണ് പിടിയിലായത്. 35 ലിറ്ററിന്റെ 80 കന്നാസുകളിലായി വ്യാജ സ്പിരിറ്റ് ലോറിയുടെ ഡ്രൈവര് ക്യാബിനോട് ചേര്ന്നുള്ള രഹസ്യ അറയിലും ലോറിയുടെ പ്ലാറ്റ് ഫോമിലെ രഹസ്യ അറയിലുമായാണ് സ്പിരിറ്റ് സൂക്ഷിച്ചിരുന്നത്. വീടിന്റെ ഒരു മുറിയില് 2826 കുപ്പികളടങ്ങുന്ന 150 ഓളം പെട്ടി വ്യാജ മദ്യവും പോലീസ് കണ്ടെടുത്തു. പാലക്കാട് ഭാഗത്ത് നിന്നാണ് വ്യാജ മദ്യവും സ്പിരിറ്റും എത്തിച്ചെതെന്നാണ് പ്രാഥമിക നിഗമനം. ഏലൂരിലെ മുണ്ടക്കല് വീട്ടില്നിന്നാണ് ചെറു വാഹനങ്ങളിലാക്കി ആവശ്യക്കാര് കൊണ്ടുപോകുകയാണെന്ന് ചെയ്യുന്നതെന്ന് ഷൈജു പോലീസിനോട് സമ്മതിച്ചു.
ഒരാഴ്ചയായി നാട്ടുകാരുടെ രഹസ്യ വിവരത്തിന്റെ അടിസ്ഥാനത്തില് ഏലൂര് എസ്ഐ എസ്.പി. സുജിത്തിന്റെ നേത്യത്വത്തിലുള്ള പോലീസുകാരുടെ നിരീക്ഷണത്തിലായിരുന്നു ഈ വീട്. കുറച്ചു വര്ഷങ്ങളായി ഷൈജുവും കുടുംബവും മൂന്നര ഏക്കറിനുനടുവില് സ്ഥിതി ചെയ്യുന്ന ഈ വീട്ടില് പ്രതിമാസം 37000 രൂപ വാടക നല്കിയാണ് താമസിച്ചിരുന്നത്. ചെമ്പരാജ നഗരിലുള്ള ഷാഹുല് ഹമീദിന്റെ ഉടമസ്ഥതയിലുള്ള കെ.എ. 10 ബി 1179 എന്ന നാഷണല് പെര്മിറ്റ് ലോറിയിലാണ് മദ്യം പിടിച്ചെടുത്ത്.
എറണാകുളം എസിപി കെ.വി. വിജയന്, സിഐ. നിസാമുദ്ദീന്, എസ്ഐ ബാലചന്ദ്രന് പി.റ്റി, എഎസ്ഐ ബിനു എം.ടി., ജോയി എം.ഒ, എസ്പിഒ മാരായ നിസാമുദ്ദിന്ന് പി.എം., ആനന്ദ ബാബു, നെല് സണ് ജോര്ജ്ജ്, വിനോദ്, സന്തോഷ്, സിപിഒ ബാബു എം.കെ, വി.ജെ. ജൂഡ്, എ.ബി. പ്രസാദ്, ഗ്യാഡ്സണ് എന്നിവരുടെ നേത്യത്വത്തിലാണ് സ്പിരിറ്റ് വേട്ട നടത്തിയത്.
