കാസര്‍കോട്: തൊഴിലിടങ്ങളില്‍ സ്ത്രീ സുരക്ഷിതത്വം ഉറപ്പുവരുത്തുകയും അവര്‍ ആഗ്രഹിക്കുന്ന ഏത് തൊഴില്‍ മേഖലയിലേക്കും കടന്നുവരാനുള്ള പ്രോത്സാഹനം കൊടുക്കുകയും ചെയ്യണമെന്ന് ബിഎംഎസ് സംസ്ഥാന സംഘടനാ സെക്രട്ടറി സി.വി.രാജേഷ് ആവശ്യപ്പെട്ടു. കേരളത്തിലെ സാമൂഹിക തിന്‍മകള്‍ക്കെതിരെ സ്ത്രീകള്‍ മുന്നോട്ടിറങ്ങിവരണമെന്നും അദ്ദേഹം ആവശ്യപ്പെട്ടു. ലോക വനിതാ ദിനത്തോടനുബന്ധിച്ച് കാസര്‍കോട് ടൗണ്‍ ബാങ്ക് ഹാളില്‍ ബിഎംഎസ് ജില്ലാ കമ്മറ്റി സംഘടിപ്പിച്ച വനിതാ തൊഴിലാളി സംഗമത്തില്‍ സംസാരിക്കുകയായിരുന്നു അദ്ദേഹം. സമ്മേളനം മധൂര്‍ പഞ്ചായത്ത് പ്രസിഡന്റ് മാലതി സുരേഷ് ഉദ്ഘാടനം ചെയ്തു. ഡോ.വി.സി.സുഷമ മുഖ്യാതിഥിയായി. മഹിളാ ഐക്യവേദി സംസ്ഥാന അധ്യക്ഷ നിഷ ടീച്ചര്‍ പ്രഭാഷണം നടത്തി. ബിഎംഎസ് ജില്ലാ ജോ.സെക്രട്ടറി എ.ഓമന അധ്യക്ഷത വഹിച്ചു. ബേബി ടീച്ചര്‍ സ്വാഗതവും സൗമ്യ നന്ദിയും പറഞ്ഞു.
Monday, November 25, 2024
തൊഴിലിടങ്ങളില്‍ സ്ത്രീ സുരക്ഷിതത്വം ഉറപ്പാക്കണം: സി.വി.രാജേഷ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: