ചേര്ത്തല: ക്ഷേത്രത്തിലെ ഉല്സവത്തിന് കമ്പക്കെട്ടിനായി കൊണ്ടുവന്ന അഞ്ച് അമിട്ടുകള് കാണാതായി, പോലീസ് കേസെടുത്തു. പള്ളിപ്പുറം മേഖലയിലെ ക്ഷേത്രത്തില് നിന്നുമാണ് ഇവ മോഷ്ടിക്കപ്പെട്ടത്. ക്ഷേത്രഭാരവാഹികള് അറിയിച്ചതിനെ തുടര്ന്ന് പോലീസിന്റെ രഹസ്യാന്വേഷണ വിഭാഗം വിവരം െ്രെകംബ്രാഞ്ചിന് കൈമാറുകയും തുടര്ന്ന് നടത്തിയ പ്രാഥമികാന്വേഷണത്തില് മോഷണം നടന്നതായി സ്ഥിരീകരിക്കുകയുമായിരുന്നു.
തുടര്ന്ന് ചേര്ത്തല പോലീസ് ക്ഷേത്ര ഭാരവാഹികളുടെ മൊഴിയെടുത്ത് കേസ് റജിസ്റ്റര് ചെയ്തു. അന്വേഷണം നടക്കുകയാണെന്നും പ്രതികളെകുറിച്ച് സൂചന ലഭിച്ചിട്ടില്ലെന്നും എസ്ഐ എ.ഡി. സൈജു പറഞ്ഞു.
ആര്എസ്എസ് പ്രവര്ത്തകര്ക്ക് നേരെ വ്യാപകമായ ആക്രമണങ്ങള് നടന്ന മേഖലയില് നിന്നാണ് അമിട്ടുകള് കാണാതായിരിക്കുന്നത്. കഴിഞ്ഞ ദിവസം ആക്രമണത്തില് പ്രതികളായ ഏഴ് സിപിഎമ്മുകാരെ പോലീസ് അറസ്റ്റ് ചെയ്തിരുന്നു.
