കൊച്ചി: എഞ്ചിന് തകരാറിനെ തുടര്ന്ന് ദിശതെറ്റിയെത്തിയ ലക്ഷദ്വീപ് ബോട്ട് സുരക്ഷാ ഏജന്സികളെ വട്ടംകറക്കി. ശനിയാഴ്ച രാത്രി 10.30 ഓടെ തോട്ടപ്പിള്ളി കോസ്റ്റല് പോലീസ് സ്റ്റേഷന് പരിധിയിലാണ് ബോട്ട് കണ്ടത്. കടലില് മത്സ്യബന്ധനത്തില് ഏര്പ്പെട്ടിരുന്ന മത്സ്യത്തൊഴിലാളികളോട് കരയിലെത്താന് ഒരു വെളുത്ത ബോട്ടിലെത്തിയവര് സഹായം തേടുകയായിരുന്നു. സംശയം തോന്നിയ മത്സ്യത്തൊഴിലാളികള് സഹായം നിരസിച്ചശേഷം വിവരം കോസ്റ്റ് ഗാര്ഡിനെ അറിയിച്ചു. കേരളതീരത്ത് തീവ്രവാദ ആക്രമണ ഭീഷണിയുള്ള പശ്ചാത്തലത്തില് രാത്രി തന്നെ കോസ്റ്റല് പോലീസും കോസ്റ്റ് ഗാര്ഡും മറൈന് എന്ഫോഴ്സ്മെന്റും കടലില് വ്യാപക തെരച്ചില് നടത്തി. പുലര്ച്ചയോടെ ബോട്ട് സുരക്ഷാ ഏജന്സികള് കണ്ടെത്തി. തകരാറിനെത്തുടര്ന്ന് ലക്ഷദ്വീപില് നിന്നും അറ്റകുറ്റപ്പണികള്ക്കായാണ് ബോട്ട് എത്തിച്ചതെന്ന് അന്വേഷണത്തില് വ്യക്തമായി
കോസ്റ്റ് ഗാര്ഡിനെ വട്ടംകറക്കി ലക്ഷദ്വീപ് ബോട്ട്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.