കണ്ണൂര്: ആര്എസ്എസ് ജില്ലാ ശാരീരിക് ശിക്ഷണ് പ്രമുഖ് ഇളന്തോട്ടത്തില് മനോജ് (46) കൊല ചെയ്യപ്പെട്ട കേസിലെ പ്രതി സിപിഎം കണ്ണൂര് ജില്ലാ സെക്രട്ടറി പി ജയരാജന്റെ മുന്കൂര് ജാമ്യാപേക്ഷ തള്ളി. തലശ്ശേരി ജില്ല സെഷന്സ് കോടതിയാണ് ഹര്ജി തള്ളിയത്. ഹര്ജി തള്ളിയതോടെ ജയരാജനെ സി.ബി.ഐ ജയരാജനെ അറസ്റ്റു ചെയ്തേക്കും.
കേസിലെ ഇരുപത്തിയഞ്ചാം പ്രതിയാണ് ജയരാജന്. കൊലപാതകത്തിനു കൂട്ടുനിന്നതിനും ക്രിമിനല് ഗൂഢാലോചനയ്ക്കും പുറമേ യു.എ.പി.എ (നിയമവിരുദ്ധ പ്രവര്ത്തന നിരോധന നിയമം) വകുപ്പുകള് പ്രകാരം ആസൂത്രണം, സംഘംചേരല് എന്നീ കുറ്റങ്ങളാണ് ജയരാജനെതിരെ ചുമത്തിയിരിക്കുന്നത്. അതേസമയം, എ.കെ.ജി ആശുപത്രിയില് ചികിത്സയിലാണ് ജയരാജന്.
മൂന്നാം തവണയാണ് ജയരാജന്റെ മുന്കൂര് ജാമ്യാപേക്ഷ തള്ളുന്നത്. ജയരാജനെ അറസ്റ്റ് ചെയ്ത് ചോദ്യം ചെയ്യണമെന്ന് സിബിഐ നേരത്തെ കോടതിയില് അറിയിച്ചിരുന്നു. ജയരാജന് മുന്കൂര് ജാമ്യം അനുവദിക്കരുതെന്നും സിബിഐ കോടതിയില് ആവശ്യപ്പെട്ടിരുന്നു.
സിപിഎം ഏരിയാ സെക്രട്ടറി, ബ്രാഞ്ച് സെക്രട്ടറി തുടങ്ങിയ 24 പ്രതികളാണ് ഇതുവരെ അറസ്റ്റിലായത്. ജയരാജന് മനോജിനോട് വ്യക്തിപരമായ ശത്രുതയും രാഷ്ട്രീയ വൈരാഗ്യവും ഉണ്ടായിരുന്നതായി കോടതിയില് സമര്പ്പിച്ച റിപ്പോര്ട്ടില് പറയുന്നു.
പ്രതികരിക്കാൻ ഇവിടെ എഴുതുക: