വര്ക്കല: കഴിഞ്ഞ 27 വര്ഷം കേരളം ഭരിച്ച മാര്ക്സിസ്റ്റ് പാര്ട്ടി ഇനി ഏത് നവകേരളത്തെ സൃഷ്ടിക്കാനാണ് തെക്ക് നിന്നും വടക്കോട്ട് യാത്ര നടത്തുന്നതെന്ന് ബിജെപി ജില്ലാ പ്രസിഡന്റ് അഡ്വ. എസ്. സുരേഷ്. സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചനയാത്രയുടെ വര്ക്കല മണ്ഡലം സ്വാഗതസംഘം രൂപീകരണയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കോണ്ഗ്രസ് ഭരണം നടത്തിയിട്ട് രക്ഷിക്കാന് കഴിയാത്ത ഏത് കേരളത്തെ രക്ഷിക്കാനാണ് വി.എം. സുധീരന് കേരളയാത്ര നടത്തുന്നതെന്നും ഇടത്-വലത് മുന്നണികളുടെ ഭരണവും യാത്രയും കേരളത്തിലെ ജനങ്ങളെ കൂടുതല് നരകത്തിലേക്ക് തള്ളിയിട്ടിരിക്കുകയാണെന്നും ഇതില് എന്നും കേരളത്തിലെ ജനങ്ങളെ രക്ഷിക്കുന്നതിന് വേണ്ടിയാണ് കുമ്മനം രാജശേഖരന് വിമോചനയാത്ര നടത്തുന്നതെന്നും സുരേഷ് പറഞ്ഞു.
ഭാവിയെക്കുറിച്ച് ഉത്കണ്ഠയുള്ള മുഴുവന് ജനങ്ങളുടെയും വിമോചനമാണ് ബിജെപി ആഗ്രഹിക്കുന്നത്. രാഷ്ട്രയം കലര്ത്താത്ത വികസനമാണ് മോദി സര്ക്കാര് നടപ്പിലാക്കുന്നത്. യുഡിഎഫ് കേന്ദ്രം ഭരിച്ചിരുന്നപ്പോള് കേരളത്തില് നിന്നും 8 മന്ത്രിമാര് ഉണ്ടായിരുന്നിട്ടും നടപ്പിലാക്കാത്ത വികസനമാണ് കേരളത്തില് നരേന്ദ്രമോദി നടപ്പിലാക്കിയിട്ടുള്ളതെന്ന് അഡ്വ. സുരേഷ് ചൂണ്ടിക്കാട്ടി. മണ്ഡലം പ്രസിഡന്റ് കോവിലകം മണികണ്ഠന് അധ്യക്ഷത വഹിച്ച യോഗത്തില് ജില്ലാ ഉപാദ്ധ്യക്ഷന് ഇലകമണ് സതീശന്, ദേശീയ സമിതി അംഗം വെള്ളാഞ്ചിറ സോമശേഖരന്, ചാര്കോട് ഹരിലാല്, മടവൂര് സന്തോഷ് എന്നിവര് സംസാരിച്ചു.
