നാട്ടില് വരാന് പോകുന്ന ഉത്സവത്തിന്റെ അറിയിപ്പുകിട്ടുമ്പോള് മുതല് നമ്മുടെ മനസ്സില് കൊടികയറിക്കഴിയും. ആര്ഭാടപൂര്വം നടത്തുന്ന തിരുവുത്സവത്തിനെ കമനീയമാക്കുവാന്, പൂര്വാധികം ഭംഗിയായിത്തീരുവാന് കൂട്ടായയത്നം തന്നെ വേണം.
കലാപരിപാടികളും എഴുന്നള്ളിപ്പുകളും വെടിക്കെട്ടും എന്നുവേണ്ട കുറച്ചുനാള് നമ്മുടെ മനസ്സിനെ നിയന്ത്രിക്കുന്നത് മുഴുവന് ആഘോഷം തന്നെയാവും. പഴയകാലം മുതല് പ്രൗഢി കാണിക്കുവാന് കരക്കാരെല്ലാവരും വാശി പൂരം നടത്തുന്നത് ഇന്ന് തുടരുകയാണ്. എല്ലാം വേണം.
ഇന്ന് എന്തിനും നല്ല മനസ്സുമായി ജനങ്ങള് വന്നുചേരും. ആ സമയത്ത് അത് വേണ്ടവിധത്തില് നിയന്ത്രിക്കുവാന് നമുക്കാവണം. ക്ഷേത്രവുമായി ചുറ്റിപ്പറ്റിയുള്ള ജീവിതത്തെ ഒന്നു ശ്രദ്ധിക്കേണ്ടതുണ്ട്. ചികിത്സക്കു ബുദ്ധിമുട്ടായി മഹാരോഗത്തോട് മല്ലടിക്കുന്നവരെ സഹായിക്കുവാനുള്ള സന്മനസ്സ് നാം കാണിക്കണം. തന്നെയുമല്ല, വിവാഹത്തിന് സാമ്പത്തികമില്ലാതെ വിഷമിക്കുന്നവര്, അവരെ ഉദാരമായി സഹായിക്കുവാന് മനസ്സുവക്കണം. ഇതെല്ലാം ക്ഷേത്ര സമിതിക്കു ചെയ്യാവുന്നതേയുള്ളൂ. ഉത്സവത്തിന്റെ പ്രധാന ദിവസം തന്നെ വിവാഹവേദി ഒരുക്കുവാന് തയ്യാറായാല് ഏറ്റവും ഉചിതം.
ഉത്സവത്തോടനുബന്ധിച്ചുള്ള ചെലവിനൊപ്പം വിവാഹം നടത്തണം. ഇന്ന് ഇതിനെല്ലാം പരിപൂര്ണമായി സഹകരിക്കുവാന് നല്ല മനസ്സുള്ളവര് കാണും. ആനയെയും വെടിക്കെട്ടും കുറച്ചാല് ഇതിനുള്ള ഫണ്ട് കണ്ടെത്താം. ഉത്സവപകിട്ട് പാടെ തകര്ത്തൊന്നും ഇതുനടത്തേണ്ടതില്ല.
അത്തരത്തിലുള്ള പ്രവര്ത്തനങ്ങള്ക്ക് ക്ഷേത്രഭരണസമിതി വളരണം. എന്നാല് അത് നാടിന്റെ തന്നെ ശ്രേയസ്സു വര്ധിക്കും. എല്ലാവരും ചേര്ന്ന നല്ല മനസ്സുവച്ചാല് ഇതൊക്കെ നിഷ്പ്രയാസം തന്നെ. ഓരോ വര്ഷവും നമ്മുടെ നാട്ടിലെ ഒരു കുട്ടിയുടെ വിവാഹമെങ്കിലും നടത്താനായാല് അത് വലിയ ഭാഗ്യമാവും. ഒരു ജന്മം മുഴുവാന് ആ കുടുംബം ഇതൊന്നും മറക്കില്ല. നാനാവഴിക്കും വന്നുചേരുന്ന സഹായഹസ്തങ്ങള് കൊണ്ട് നിസ്സാരമായി നടത്തുവാന് നമുക്കാവും. നല്ല നിയന്ത്രണത്തോടെ ചെലവഴിക്കുകയാണെങ്കില് ഇതെല്ലാം നിഷ്പ്രയാസമാകും. തട്ടകത്തിന്റെ മൂര്ത്തി ഉത്സവക്കാരെ സഹായിച്ചുകൊണ്ട് കൂടെയുണ്ടാവും തീര്ച്ച.
