ന്യുദല്ഹി: ഐഎസില് ചേരാന് ശ്രമിച്ച നാല് ഇന്ത്യക്കാര് സിറിയയില് പിടിയില്. ഇവരുടെ വിവരങ്ങള് ഉടന് കൈമാറാന് സിറിയ ഇന്ത്യയോട് ആവശ്യപ്പെട്ടു.
ഇന്ത്യ സന്ദര്ശിക്കുന്ന സിറിയന് ഉപപ്രധാനമന്ത്രി വാലിദ് അല് മുലാമാണ് ഇന്ത്യക്കാര് പിടിയിലായ കാര്യം വെളിപ്പെടുത്തിയത്. ദമാസ്ക്കസില് പോലീസ് കസ്റ്റടിയിലുള്ള ഇവരുടെ അറസ്റ്റ് സംബന്ധിച്ച വിവശദ വിവരങ്ങള് സിറിയ വെളിപ്പെടുത്തിയിട്ടില്ല.
ഐഎസില് ചേരാന് ശ്രമിക്കുന്നതിനിടെ മുമ്പും ഇന്ത്യന് യുവാക്കള് പിടിയിലായിട്ടുണ്ട്. കഴിഞ്ഞ ഡിസംബറില് നാല് പേര് നാഗ്പൂര് വിമാനത്താവളത്തില് വെച്ച് അറസ്റ്റുചെയ്യപ്പെട്ടിരുന്നു
ഐഎസിന് വേണ്ടി 23 ഇന്ത്യാക്കാര് തോക്കേന്തിയിട്ടുണ്ടെന്നാണ് സിറിയ കരുതുന്നത്. ഇതില് ആറ് പേര് മരിച്ചതായും കരുതുന്നു. ഐഎസില് മലയാളികളുണ്ടെന്ന് നേരത്തേ റിപ്പോര്ട്ടുണ്ടായിരുന്നു
സൗദി അറേബ്യയും, തുര്ക്കിയും ഖത്തറും ഭീകര സംഘടനകള്ക്ക് പിന്തുണ നല്കുകയാണെന്ന് സിറിയന് ഉപപ്രധാനമന്ത്രി ആരോപിച്ചു. ഐഎസിനെതിരെയുള്ള പോരാട്ടത്തില് സിറിയയെ സഹായിക്കുന്ന റഷ്യയോട് അദ്ദേഹം നന്ദി പറഞ്ഞു.
