സസ്യങ്ങളില് നിന്നു ജീവജാലങ്ങളും ജീവജാലങ്ങളില് നിന്നു സസ്യങ്ങളും മുളക്കുകയും മരിക്കുകയും ചെയ്യുന്നു. ഇത് അശ്ശേഷവും പ്രളയാവസ്ഥ ഉണ്ടെന്നും ഇല്ലെന്നും പറയാന് തക്ക നിലയില് കിടക്കുന്നു. ഇപ്പോഴും പ്രളയമാണ് ഈ ലോകമെന്ന് സമ്മതിക്കേണ്ടിയിരിക്കുന്നു.
വീണ്ടും ഒന്നു കൂടി എടുത്താലോചിക്കേണ്ടി വന്നാല് ഓരോ സൃഷ്ടിയുടെയും ബന്ധങ്ങള് സാമ്യപ്പെടുത്തി കാണാം. ആകാശത്തിനും ഭൂമിക്കുമുള്ള ബന്ധം ക്രമാതീതം തന്നെയാണ്. കാന്തവും ഇരുമ്പും തമ്മില് രണ്ടായി തോന്നുന്നു. എങ്കിലും കാണുമ്പോള് ഒന്നായി ബന്ധിക്കുന്നു. ഇതിലും അധികം ബന്ധങ്ങളെ കൊണ്ട് ആകാശവും ഭൂമിയും നിലനില്ക്കുന്നു.
ലോകത്തിലുള്ള സസ്യങ്ങളെ മുളപ്പിക്കുന്നതിനും ജീവജാലങ്ങളെ സൃഷ്ടിക്കുന്നതിനും അതിന്റെ ഉപയുക്തമായ രക്ഷയ്ക്കും വളര്ച്ചക്കും കാരണഭൂതമായി നില്ക്കുന്നത് ഈ ബന്ധം ഒന്നു മാത്രമാണ്. ഈ ബന്ധം എപ്പോള് പിരിയുമോ അപ്പോള് ഭൂമിയും സര്വ്വസൃഷ്ടിജാലങ്ങളും മരണാവസ്ഥയെ പ്രാപിച്ച് പ്രളയമായി പരിണമിക്കുന്നു.
