ആലപ്പുഴ: ഭവനഭാരതം പദ്ധതി ജില്ലയില് യഥാര്ഥ്യമാകുന്നു. സംസ്ഥാനത്ത് ആദ്യമായാണ് ജില്ലാതലത്തില് ഇത്തരം ഒരു പദ്ധതിക്ക് തുടക്കം കുറിക്കുന്നത്. ജില്ലാ കളക്ടര് എന്.പത്മകുമാറിന്റെ നേതൃത്വത്തിലാണ് ഭൂമിയും വീടുമില്ലാത്തവര്ക്ക് സ്ഥലവും വീടും നിര്മ്മിച്ചു നല്കുന്നതിനായി ഭാവനഭാരതം പദ്ധതി ആവിഷ്കരിച്ച് മുഖ്യമന്ത്രിക്ക് മുന്പില് സമര്പ്പിച്ചത്.
പദ്ധതിയുടെ നടത്തിപ്പിനായി ‘ഭവനഭാരതം’ സൊസൈറ്റി രജിസ്ട്രേഷനായുള്ള ആദ്യയോഗം കളക്ടറുടെ ആധ്യക്ഷ്യത്തില് കൂടി. തുടക്കത്തില് മൂന്നുമാസത്തിനകം 25 വീടുകളെങ്കിലും നിര്മ്മിച്ചു നല്കുകയാണ് സൊസൈറ്റിയുടെ ലക്ഷ്യമെന്ന് ജില്ലാ കളക്ടര് പറഞ്ഞു.
ഭവനഭാരതം പദ്ധതി നടപ്പാക്കാനും സൊസൈറ്റി രൂപവത്കരിക്കാനുമുള്ള അനുമതി സര്ക്കാരില് നിന്ന് കഴിഞ്ഞ ദിവസം ലഭിച്ചു. ജില്ലാകളക്ടര് ചെയര്മാനും ജില്ലാ പോാലീസ് മേധാവി വി.സുരേഷ്കുമാര് വൈസ് ചെയര്മാനും സെയില് ടാക്സ് ഡെപ്യൂട്ടി കമ്മീഷണര് സുമം.ബി ട്രഷററുമായാണ് സൊസൈറ്റി രജിസ്റ്റര് ചെയ്യുക. ജോയിന്റ് രജിസ്ട്രാര് ഓഫ് കോ- ഓപ്പറേറ്റീവ് സൊസൈറ്റി എം.എസ്.സുധാദേവി, പിഡബഌയുഡി എക്സിക്യൂട്ടീവ് എന്ജീനിയര് എസ്.ദീപു, ഡെപ്യൂട്ടി ഡയറക്ടര് ഓഫ് പഞ്ചായത്ത് പി.ഡി.സുദര്ശന്, ജില്ലാ ലോ ഓഫീസര് എസ്.എ.സജീവ് എന്നിവര് അംഗങ്ങളാകും. സൊസൈറ്റിയില് പണം സംഭാവന ചെയ്യുന്നവര്ക്ക് ആദായ നികുതിയില് പൂര്ണ്ണമായ കിഴിവ് നല്കുന്ന കാര്യം കേന്ദ്ര സര്ക്കാരില് ബന്ധപ്പെട്ട വകുപ്പുമായി ചര്ച്ച ചെയ്തു വരുന്നതായി ജില്ലാ കളക്ടര് പറഞ്ഞു.
ജില്ലയില് സ്വന്തമായി വീടും സ്ഥലവുമില്ലാത്ത കുടുബങ്ങള്ക്ക് ആവുന്നവിധം സഹായം എത്തിക്കുകയാണ് ലക്ഷ്യം. സഹായമനഃസ്ഥിതിയുള്ളവരെ കോര്ത്തിണക്കി സര്ക്കാര് സംവിധാനത്തിന്റെ പൂര്ണ്ണ പിന്തുണയോടെയും ഉത്തരവാദിത്തത്തോടെയുമാണ് സൊസൈറ്റി പ്രവര്ത്തിക്കുക. സ്ഥലവും വീടും ഉള്പ്പെടെ നിര്മ്മിക്കാന് കുറഞ്ഞത് ഒരാള്ക്ക് ആറ് ലക്ഷത്തിനുമുകളില് തുക വരുമെന്നാണ് പ്രാഥമിക വിലയിരുത്തല്. ഈ തുക സംഭാവനകളിലൂടെ കണ്ടെത്തും.
പദ്ധതിയുടെ പ്രാഥമിക ഘട്ടം വിജയിച്ചാന് കേന്ദ്ര ഗവണ്മെന്റിന്റെ ഭവന പദ്ധതികളെക്കൂടി ഇതില് സഹകരിപ്പിക്കാന് സാധിക്കുമെന്ന് കരുതുന്നതായി കളക്ടര് പറഞ്ഞു. സൊസൈറ്റിയിലെ ആജീവനാന്ത അംഗത്വത്തിന് ഒരു ലക്ഷം രൂപക്ക് മുകളിലോ മൂന്നുസെന്റ് സ്ഥലമോ നല്കണം. ജനറല് ബോഡിയില് പങ്കെടുക്കുന്നതിനുള്ള അംഗത്വത്തിന് 10,000 രൂപയാണ് നിശ്ചയിച്ചിട്ടുള്ളത്. നിര്മ്മിതി ഭവനോ പിഡബഌയുഡിയ്ക്കോ ആയിരിക്കും ചെലവ് കുറഞ്ഞ രീതിയിലുള്ള ഭവന നിര്മ്മാണച്ചുമതല.
