ചേര്ത്തല: നീരയ്ക്ക് ആവശ്യക്കാര് ഏറുന്നു. ഉല്പാദനം കൂടുന്നു. കല്യാണം മറ്റ് ആഘോഷങ്ങള്ക്കും ഇപ്പോള് നീര ഉപയോഗിക്കുന്നവരുടെ എണ്ണം കൂടുന്നു. ബഹുരാഷ്ട്ര കമ്പനികളുടെ പാനിയങ്ങള് ഒഴിവാക്കുകയാണ്. വേനല് ആയതോടെയാണ് നീരയുടെ വില്പ്പന കൂടിയത്. കഞ്ഞിക്കുഴിയിലെ കരപ്പുറം നാളികേര ഉല്പാദക കമ്പനിയുടെ അയ്യപ്പന്ചേരിയിലെ നീര പ്ലാന്റില് നിന്നും തിരുവനന്തപുരം മുതല് എറണാകുളം വരെയുള്ള ഭാഗങ്ങളില് നീര വിതരണം നടത്തുന്നു. 200 മില്ലിയുടെ കുപ്പിക്ക് 35 രൂപയും 300മില്ലിയുടേതിന് 50 രൂപയും 500 മില്ലിയുടേത് 80 രൂപയും നിരക്കില് ആണ് വില്പ്പന. ലഹരി ഇല്ലാത്ത ഷുഗര് ഉള്ളവര്ക്കും കഴിക്കാവുന്ന പാനിയമായതിനാല് എല്ലാ വിഭാഗത്തിലുള്ളവരും നീര തെരെഞ്ഞെടുക്കുന്നു. അയ്യപ്പഞ്ചേരിയിലെ പ്ലാന്റില് ദിനവും 700 ലിറ്റര് നീര ഉല്പാദിപ്പിക്കുന്നു. ചേര്ത്തല താലൂക്കിന്റെ വിവിധ കേന്ദ്രങ്ങളില് നിന്ന് നീര ശേഖരിച്ച് ഇവിടെ എത്തിച്ച് നീരയും മറ്റ് അനുബന്ധ ഉല്പ്പനങ്ങളും ഉണ്ടാക്കുന്നു. നീര ചോക്ക്ളേറ്റ്, കേക്ക്, ചമ്മന്തിപൊടി, വിന്നാഗിരി, തേന് എന്നീ മൂല്യവര്ദ്ധിത ഉല്പന്നങ്ങള് ഇവിടെ നിര്മ്മിക്കുന്നു. എല്ലാ ഉല്പന്നങ്ങള്ക്കും വിപണിയില് ആവശ്യക്കാര് ഏറെയാണ്. വരും ദിനങ്ങളില് നീരയുടെ ഉല്പാദനം ഇനിയും വര്ദ്ധിപ്പിക്കുവാന് ഉള്ള ശ്രമത്തിലാണ് അധികൃതര്. നീരയുടെ വില്പ്പന കേന്ദ്രങ്ങളുടെ എണ്ണം ദിനവും വര്ദ്ധിക്കുകയാണ്.
നീരയ്ക്ക് ആവശ്യക്കാര് ഏറുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.