കൊല്ലം: 2015ല് കൊല്ലത്ത് വാഹനാപകടങ്ങളില് പൊലിഞ്ഞത് 190 മനുഷ്യജീവനുകള്. 1583 അപകടങ്ങളാണ് ആകെ ഉണ്ടായത്. 1651 പേര് പരിക്കേറ്റ് ചികിത്സയില് കഴിഞ്ഞു.
ഇതിന്റെ അടിസ്ഥാനത്തില് ജില്ലയില് റോഡപകടം കുറയ്ക്കാനും അപകടരഹിത ഗതാഗത സംസ്കാരം രൂപപ്പെടുത്തുന്നതിനുമായുള്ള പ്രവര്ത്തനങ്ങള് നടത്തുകയാണ് സിറ്റി പോലീസ്. ഇതോടനുബന്ധിച്ച് ഏഴുവരെ റോഡ് സുരക്ഷാ വാരമായി ആചരിക്കും. ഒരു നല്ല റോഡ് സംസ്കാരം നമ്മുടെ സമൂഹത്തിലെ എല്ലാതലത്തിലും എത്തിക്കുകയാണ് സിറ്റി പോലീസ് ലക്ഷ്യമിടുന്നതെന്ന് സിറ്റി പോലീസ് കമ്മീഷണര് പി. പ്രകാശ് പറഞ്ഞു. അതിന്റെ ആദ്യപടിയായി കുട്ടികളുടെ അപകടരഹിതമായ സ്കൂള് യാത്ര ലക്ഷ്യമിട്ട് സുരക്ഷിത സ്കൂള്യാത്ര ശുഭയാത്ര എന്ന പരിപാടിയിലൂടെ സ്കൂള് വാഹനങ്ങള് ഓടിക്കുന്ന ഡ്രൈവര്മാര്. സ്കൂള് അദ്ധ്യാപകര്, കുട്ടികള് എന്നിവര്ക്കായി പ്രത്യേക ട്രാഫിക്ക് അവബോധ ക്ലാസുകള് നല്കും. രണ്ടാമതായി നഗരത്തിലൂടെ ഓടുന്ന സ്വകാര്യവാഹനങ്ങളിലെ ജീവനക്കാര്ക്കായി അവരുടെ ജോലിക്ക് തടസം വരാത്ത തരത്തില് പരിശീലനപദ്ധതി തുടങ്ങും. സിറ്റി പോലീസ് പരിധിയിലെ റോഡുകള് സുരക്ഷിത പാതയാക്കുന്നതിന്റെ ഭാഗമായി കൊല്ലം സിറ്റി-ഹെല്മറ്റ് സിറ്റി എന്ന പദ്ധതി നടപ്പിലാക്കും. എല്ലാ ഇരുചക്രവാഹന യാത്രക്കാരും നിര്ബന്ധമായും ഹെല്മറ്റ് ധരിക്കുക, അനുവദീനയ വേഗ പരിധിക്കുള്ളിലെ സുരക്ഷിതമായി യാത്ര ചെയ്യുക എന്നിവയാണ് ഉദ്ദേശം. ഇതിന്റെ ഭാഗമായി സിറ്റിയുടെ എല്ലാ പോലീസ് സ്റ്റേഷന് പരിധിയിലും 24 മണിക്കൂറും ഇരുചക്രവാഹന പരിശോധന ഉണ്ടാകുമെന്നും കമ്മീഷണര് അറിയിച്ചു.
