ആലപ്പുഴ: ദേശീയ ജനസംഖ്യാ രജിസ്റ്റര് (എന്പി ആര്) പുതുക്കുന്ന നടപടികള് ജില്ലയില് തുടങ്ങി. എന്പിആര് ഡാറ്റാ ബേസിലെ വിവരങ്ങള് പുതുക്കുന്നതിനായി നിയുക്തരായ സര്ക്കാര് ഉദേ്യാഗസ്ഥര് എല്ലാ കുടുംബങ്ങളും സന്ദര്ശിക്കും. ഈ മാസമാണ് എന്പിആര് ഡാറ്റാ ബേസ് പുതുക്കുന്ന പ്രവര്ത്തനം നടക്കുക.
എല്ലാ സ്ഥിരതാമസക്കാരും തങ്ങളുടെ പ്രദേശത്ത് വിവരശേഖരണത്തിനായി നിയോഗിക്കപ്പെട്ട ഉദേ്യാഗസ്ഥന്റെ പക്കലുള്ള രേഖകള് പരിശോധിച്ച് എന്പിആറില് എന്റോള് ചെയ്തിട്ടുള്ള കുടുംബത്തിലെ എല്ലാ അംഗങ്ങളുടെയും വിവരങ്ങള് ശരിയായി രേഖപ്പെടുത്തിയിട്ടുേണ്ടാ എന്നും മരണപ്പെട്ട ആളുകളെ ഒഴിവാക്കിയിട്ടുേണ്ടാ എന്നും പുതിയ അംഗങ്ങളെ (നവജാതശിശുക്കള് ഉള്പ്പടെ) ഉള്പ്പെടുത്തിയിട്ടുണ്ടോ എന്നും ഉറപ്പാക്കണം. ഓരോ വ്യക്തിയുടെയും ആധാര് നമ്പര് അല്ലെങ്കില് ആധാര് എന്റോള്മെന്റ് ഐഡി നമ്പര്, മൊബൈല് ഫോണ് നമ്പര്, കുടുംബത്തിന്റെ റേഷന് കാര്ഡ് നമ്പര് മുതലായ വിവരങ്ങള് കൂടി ഇതോടൊപ്പം ശേഖരിക്കുന്നുണ്ട്.
പൊതുജനങ്ങള് മേല്പറഞ്ഞ വിവരങ്ങള് വിവരശേഖരണത്തിനായി വരുന്ന ഉദേ്യാഗസ്ഥനു നല്കി സഹകരിക്കണമെന്ന് ജില്ലാ കളക്ടര് അറിയിച്ചു. രേഖകളുടെ പരിശോധനാസൗകര്യത്തിനായി കുടുംബത്തിലെ എല്ലാ വ്യക്തികളെയും സംബന്ധിച്ച രേഖകള് മുന്കൂട്ടി കരുതിവയ്ക്കണം
