കൊച്ചി: അഞ്ച് ദിവസം നീണ്ട എറണാകുളം കരയോഗം നവതിയാഘോഷങ്ങള്ക്ക് ഇന്ന് സമാപനം. എറണാകുളം കണ്ട ഏറ്റവും വലിയ സാംസ്കാരികോല്സവമായി മാറിയ നവതിആഘോഷങ്ങളുടെ സമാപന സമ്മേളനം വൈകീട്ട് 6ന് ടിഡിഎം ഹാളില് ഗതാഗത മന്ത്രി തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യും.
തൃശൂര് തെക്കേമഠം മൂപ്പില് സ്വാമിയാര് വാസുദേവാനന്ദ ബ്രഹ്മദേവാനന്ദ ഭൂതി അനുഗ്രഹ പ്രഭാഷണവും ബിജെപി സംസ്ഥാന പ്രസിഡണ്ട് വി. മുരളീധരന് മുഖ്യപ്രഭാഷണവും നടത്തും. കരയോഗം പ്രസിഡണ്ട് കെ.പി.കെ. മേനോന് അധ്യക്ഷത വഹിക്കും. എം എല്എമാരായ ഹൈബി ഈഡന്, ബെന്നി ബഹന്നാന്, ഡൊമിനിക് പ്രസന്റേഷന്, ലൂഡി ലൂയിസ്, ജില്ലാ കളക്ടര് എം.ജി. രാജമാണിക്യം, ഡെപ്യൂട്ടി മേയര് ടി.ജെ. വിനോദ്, ടി.കെ. എ നായര്, എം.കെ.ജി. പിള്ള, കെ.വി.പി കൃഷ്ണകുമാര്, ജസ്റ്റിസ്(റിട്ട.) കെ.എസ്. രാധാകൃഷ്ണന് എന്നിവര് സംസാരിക്കും. കരയോഗം ജനറല് സെക്രട്ടറി പി. രാമചന്ദ്രന്( വേണു) സ്വാഗതവും ട്രഷറര് കെ.ടി. മോഹനന് നന്ദിയും പറയും.
രാവിലെ 10ന് പുതുമയുടെ പുതുതലമുറ എന്ന വിഷയത്തില് നടക്കുന്ന സെമിനാര് ജസ്റ്റിസ് എ.കെ. ജയശങ്കരന് നമ്പ്യാര് ഉദ്ഘാടനം ചെയ്യും. കൃഷ്ണ ഹാളില് രാവിലെ 10ന് എ ബിനിലിന്റെ ചുമര് ചിത്രരചന. ഉച്ചക്ക് രണ്ടിന് കാവേരി ഹാളില് ‘കരയോഗ ശതാബ്ദി കാഴ്ചപ്പാട്’ പരിപാടി ജസ്റ്റിസ് ടി.ആര്. രാമചന്ദ്രന്നായര് ഉദ്ഘാടനം ചെയ്യും. മന്ത്രി കെ. ബാബു മുഖ്യപ്രഭാഷണം നടത്തും. പി എസ്സി ചെയര്മാന് ഡോ. കെ.എസ്. രാധാകൃഷ്ണന്, ജിസിഡിഎ ചെയര്മാന് എന്. വേണുഗോപാല്, ബി ജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന്, സിപിഎം ജില്ലാ സെക്രട്ടറി പി. രാജീവ് എന്നിവര് സംസാരിക്കും. പി രാമചന്ദ്രന്( വേണു) സ്വാഗതവും കെ. രാജഗോപാല് നന്ദിയും പറയും.
