ആലപ്പുഴ: 26-ാമത് കാര്ഷിക വ്യാവസായിക പ്രദര്ശനത്തിന്റെ ഒരുക്കങ്ങള് പൂര്ത്തിയായി. ആലപ്പുഴ എസ്ഡിവി സ്കൂള് ഗ്രൗണ്ടില് അഗ്രി ഹോര്ട്ടിക്കള്ച്ചറല് സൊസൈറ്റി എസ്ഡി കോളേജ് ബോട്ടണി വിഭാഗം, സംസ്ഥാന കൃഷിവകുപ്പ്, നബാഡ് എന്നിവയുടെ സഹകരണത്തോടെയാണ് പ്രദര്ശനം സംഘടിപ്പിക്കുന്നത്.
അമ്പതിനായിരം ചതുരശ്രഅടി വിസ്തീര്ണമുള്ള പന്തലില് കാര്ഷിക, കാര്ഷികേതര വിഭവങ്ങള് സജ്ജീകരിക്കും. 19ന് വൈകിട്ട് 3ന് പ്രദര്ശനം കെ.സി.വേണുഗോപാല് എംപി ഉദ്ഘാടനം ചെയ്യും. ചലച്ചിത്രതാരം ശ്രീനിവാസന് മുഖ്യാതിഥിയാകും. തോമസ് ഐസക് എംഎല്എ അദ്ധ്യക്ഷത വഹിക്കും.
20ന് രാവിലെ 10.30ന് ആലപ്പുഴ ജില്ലയുടെ ഹരിതവികസനം കാര്ഷിക സര്വ്വകലാശാലാ രജിസ്ട്രാര് പി.വി. ബാലചന്ദ്രന് ഉദ്ഘാടനം ചെയ്യും. വൈകിട്ട് 7ന് കലാസന്ധ്യ ഉദ്ഘാടനം ഡോ. ഗീതാകൃഷ്ണപൈ നിര്വ്വഹിക്കും. 21ന് രാവിലെ 10.30ന് സെമിനാര് കൃഷി ഡയറക്ടര് ആര്. അജിത്കുമാര് ഉദ്ഘാടനം ചെയ്യും. വൈകിട്ട് 7ന് മാജിക്. 22ന് രാവിലെ 10.30ന് സെമിനാര് സബ് കളക്ടര് ഡി. ബാലമുരളി ഉദ്ഘാടനം ചെയ്യും. 2.30ന് സെമിനാര് കളക്ടര് എന്. പത്മകുമാര് ഉദ്ഘാടനം ചെയ്യും.
23ന് രാവിലെ 10.30ന് സെമിനാര് ഡോ. എന്.കെ. ശശിധരന് ഉദ്ഘാടനം ചെയ്യും. വൈകിട്ട് ഏഴിന് എസ്ഡിവി സ്കൂള് വിദ്യാര്ത്ഥികളുടെ കലാസന്ധ്യ. 24ന് രാവിലെ 10.30ന് സെമിനാര് എഡിഎം ടി.ആര്. ആസാദ് ഉദ്ഘാടനം ചെയ്യും. മൂന്നിന് പെറ്റ്ഷോ ഡിവൈഎസ്പി കെ. ലാല്ജി ഉദ്ഘാടനം ചെയ്യും. വൈകിട്ട് ഏഴിന് ഗാനമേള. 25ന് വൈകിട്ട് 6.30ന് ക്രിസ്മസ് സന്ധ്യ. ഏഴിന് നാടന്പാട്ട്. 26ന് രാവിലെ 10.30ന് ക്ഷീരവികസന വകുപ്പിന്റെ മുഖാമുഖം പരിപാടി, വൈകിട്ട് എഴിന് നൃത്തസന്ധ്യ.
27ന് വൈകിട്ട് 5ന് സമാപന സമ്മേളനവും കര്ഷകശ്രേഷ്ഠ പുരസ്കാരദാനവും വിളമത്സര അവാര്ഡുദാനവും നടക്കും. ഫാന്സികോഴികള്, തത്തകള്, പ്രാവുകള്, ആഫ്രിക്കന് പക്ഷികള്, ഗിനിപിഗ്, മുയല്, വര്ണമത്സ്യങ്ങള് എന്നിവയുടെ പ്രദര്ശനവും സംഘടിപ്പിക്കും.
