ആലപ്പുഴ: കയര്മേഖലയിലെ പണിമുടക്കിനുശേഷം തീരുമാനിക്കപ്പെട്ട കൂലി ഫിനിഷിങ് മേഖലയിലെ തൊഴിലാളികള്ക്ക് ലഭിക്കുന്നില്ല. തൊഴിലാളികള് വീണ്ടും സമരത്തില് കഴിഞ്ഞ സപ്തംബറില് നടന്ന പണിമുടക്കിന്റെ അടിസ്ഥാനത്തില് സേവനവേതന വ്യവസ്ഥകളെ സംബന്ധിച്ച ഒത്തുതീര്പ് വ്യവസ്ഥപ്രകാരം വര്ധിപ്പിച്ച കൂലി തൊഴിലാളികള്ക്ക് കൊടുക്കുന്നതിനായി ചെറുകിട കയര്ഫാക്ടറി ഉടമകള്ക്കും ഫിനിഷിങ് മേഖലയ്ക്കും വില വര്ധിപ്പിച്ച് നല്കിയിരുന്നു. എന്നാല് കൂലി നല്കാന് ചില ചെറുകിട കയര്ഫാക്ടറി ഉടമകളും, ഫിനിഷിങ് മേഖലയിലെ ചിലയുടമകളും നല്കുന്നില്ലെന്നാണ് പരാതി. ഒത്തുതീര്പ് വ്യവസ്ഥപ്രകാരം നിത്യവേലയ്ക്ക് പുരുഷന് 492.32 രൂപയും സ്ത്രീകള്ക്ക് 411 രൂപയുമാണ് ലഭിക്കേണ്ടത്. എന്നാല് ഇത് 250 രൂപ, 175 രൂപയുമാണ് പലയിടങ്ങളിലും വിതരണം ചെയ്യുന്നത്. നേരത്തെ നിയമംമൂലം ഇല്ലാതാക്കിയ ഡിപ്പോ സമ്പ്രദായം വീണ്ടും ഫിനിഷിങ് മേഖലയില് വ്യാപിക്കുകയാണ്. ചില കയറ്റുമതിക്കാരാണ് ഇതിന് പിന്നിലെന്ന് ആക്ഷേപമുണ്ട്.
















