ആലപ്പുഴ: ജില്ലാ അഗ്രി-ഹോര്ട്ടി കള്ച്ചറല് സൊസൈറ്റിയുടെ നേതൃത്വത്തില് സംഘടിപ്പിക്കുന്ന കാര്ഷിക-വിദ്യാഭ്യാസ-വ്യാവസായിക പ്രദര്ശനം ‘അഗ്രെക്സ് 2015’ ഈ മാസം 19 മുതല് 27 വരെ ആലപ്പുഴ എസ്ഡിവി സ്കൂള് മൈതാനത്തു നടക്കുമെന്ന് ജില്ലാ കളക്ടര് എന്. പത്മകുമാര് പു.
പ്രദര്ശനവുമായി ബന്ധപ്പെട്ട് കളക്്ട്രേറ്റില് കൂടിയ സ്വാഗതസംഘം രൂപീകരണ യോഗത്തില് ആധ്യക്ഷ്യം വഹിക്കുകയായിരുന്നു അദ്ദേഹം.
വിവിധ സര്ക്കാര് വകുപ്പുകളുടെയും ആലപ്പുഴ എസ്.ഡി. കോളജിന്റെയും സഹകരണത്തോടെയാണ് മേള സംഘടിപ്പിക്കുന്ന്. കൂടുതല് സ്ഥാപനങ്ങളും സസ്യനഴ്സറികളും പ്രദര്ശനത്തിനെത്തും.
അലങ്കാരമത്സ്യങ്ങളുടെ വിപുലമായ പ്രദര്ശനവും വില്പ്പനയും പ്രദര്ശനത്തിനോടനുബന്ധിച്ചുണ്ടാകും. കാര്ഷിക ഉപകരണങ്ങള്, വിത്ത്, വളം, തൈകള് എന്നിവയുടെ വില്പ്പനയും മികച്ച കാര്ഷികോത്പന്നങ്ങളുടെ പ്രദര്ശനവും നാടന് ഭക്ഷ്യോത്പന്നങ്ങളുടെ വില്പ്പനയും നടക്കും.
കാര്ഷിക സെമിനാറുകള്, വിദ്യാര്ഥികള്ക്കായി വിവിധ മത്സരങ്ങള്, ജില്ലയിലെ മികച്ച കര്ഷകന് പുരസ്കാരം, കലാപരിപാടികള് എന്നിവ ഇതോടനുബന്ധിച്ച് നടക്കും.
ജില്ലാ കളക്ടര് എന്. പത്മകുമാര് ചെയര്മാനും സൊസൈറ്റി ജനറല് സെക്രട്ടറി രവി പാലത്തുങ്കല് ജനറല് കണ്വീനറും എ.എന്. പുരം ശിവകുമാര് ട്രഷററുമായി 101 അംഗ സംഘാടക സമിതി രൂപീകരിച്ചു.
കളക്ട്രേറ്റില് കൂടിയ യോഗത്തില് സൊസൈറ്റി രക്ഷാധികാരി ജെ. കൃഷ്ണന്, ജനറല് സെക്രട്ടറി രവി പാലത്തുങ്കല്, വൈസ് പ്രസിഡന്റ് എം.കെ. ഭാസ്ക്കര പണിക്കര്, ട്രഷറര് എ.എന്. പുരം ശിവകുമാര്, കുടുംബശ്രീ ജില്ലാ കോ-ഓര്ഡിനേറ്റര് ഡോ. ഐ.എം. മൊഹ്സിന് കോയ, ഡി.റ്റി .പി.സി. സെക്രട്ടറി സി. പ്രദീപ്, സൊസൈറ്റി അംഗങ്ങള്, ഉദ്യോഗസ്ഥര് തുടങ്ങിയവര് പങ്കെടുത്തു.
