പത്തനംതിട്ട: റവന്യൂ ജില്ലാ കായിക മേളയില്‍ പത്തനംതിട്ട ഉപജില്ലക്ക് കായികകിരീടം. സ്‌കൂള്‍ അടിസ്ഥാനത്തിലെ ഓവറോള്‍ ചാംപ്യന്‍ഇരവിപേരൂര്‍ സെന്റ് ജോണ്‍സ് ഹയര്‍ സെക്കന്‍ഡറി സ്‌കൂള്‍.ഇത് ഏഴാംതവണയാണ് ഇവര്‍ ചാമ്പ്യന്മാരാകുന്നത്. കഴിഞ്ഞ ആറ് വര്‍ഷമായി തുടര്‍ച്ചയായി കായിക കിരീടത്തിനുടമകളായിരുന്ന പുല്ലാട് ഉപജില്ലയെ പിന്തള്ളിയാണ് പത്തനംതിട്ട 176 പോയിന്റുമായി മുന്നിലെത്തിയത്. 20 സ്വര്‍ണവും 20 വെള്ളിയും 10 വെങ്കലവുമാണ് പത്തനംതിട്ട നേടിയത്. പുല്ലാട് സബ്ജില്ല 13 സ്വര്‍ണവും 11 വെള്ളിയും 10 വെങ്കലവുംനേടി 123 പോയിന്റുമായി രണ്ടാമതെത്തി. ഒമ്പത് സ്വര്‍ണവും 11 വെള്ളിയും 12 വെങ്കലവും നേടിയ വെണ്ണിക്കുളവും 97 പോയിന്റുമായി മുന്നാം സ്ഥാനത്തും10 സ്വര്‍ണവും എട്ട് വെളളിയും 11 വെങ്കലവും നേടി 93 പോയിന്റുമായിതിരുവല്ലനാലാംസ്ഥാനവും നേടി. എട്ടു സ്വര്‍ണവും എട്ട് വെള്ളിയും 14 വെങ്കലവുമായി 82 പോയിന്റോടെ റാന്നി അഞ്ചാം സ്ഥാനവും കരസ്ഥമാക്കി.മറ്റ് ഉപജില്ലകളുടെ പോയിന്റു നില: കോന്നി 78, അടൂര്‍ 77, ആറന്‍മുള 32, മല്ലപ്പള്ളി 22, കോഴഞ്ചേരി 15, പന്തളം 11.
സ്‌കൂളുകളില്‍പുല്ലാട് സബ്ജില്ലയിലെ ഇരവിപേരൂര്‍ സെന്റ് ജോണ്‍സ് എച്ച്എസ്എസ് ഒമ്പത് സ്വര്‍ണവും നാലു വീതം വെള്ളിയും വെങ്കലവും നേടി് 61 പോയിന്റുമായി ഒന്നാമതെത്തി. അഞ്ച് സ്വര്‍ണവും എട്ട് വെളളിയും ഒമ്പത് വെങ്കലവുമായി 58 പോയിന്റുമായി വെണ്ണിക്കുളം സബ് ജില്ലയിലെ സെന്റ് ബഹനാന്‍സ് എച്ച്. എസ്. എസ് രണ്ടാം സ്ഥാനത്തെത്തിയപ്പോള്‍ പത്തനംതിട്ട സബ് ജില്ലയിലെ സീതത്തോട് കെആര്‍പിഎംഎച്ചഎസ്എസ് നാലു സ്വര്‍ണ്ണം, ഒമ്പത് വെള്ളി, രണ്ട് വെങ്കലം നേടി 44 പോയിന്റുമായി മുന്നാം സ്ഥാനം കരസ്ഥമാക്കി. മുപ്പത്തിനാലുപോയിന്റോടെ മാര്‍ത്തോമ ഹയര്‍ സെക്കന്‍ഡറി സ്‌കൂള്‍ നാലാമതും മുപ്പതുപോയിന്റുമായി ആങ്ങമൂഴി എസ്.എ.വി.എച്ച്.എസ്.എസ് അഞ്ചാമതുമെത്തി.
സമാപന സമ്മേളനം കെ ശിവദാസന്‍ നായര്‍ എം.എല്‍.എ. ഉദ്ഘാടനം ചെയ്തു. ജില്ലാപഞ്ചായത്ത് വൈസ് പ്രസിഡന്റ് ജോര്‍ജ് മാമ്മന്‍ കൊണ്ടൂര്‍ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് അന്നപൂര്‍ണ്ണദേവി, നഗരസഭാ അധ്യക്ഷ രജനി പ്രദീപ്, സംസ്ഥാന സ്‌പോര്‍ട് കൗണ്‍സില്‍ അംഗം സന്തോഷ് കൊച്ചുപറമ്പില്‍, ഡി.ഡി.ഇയുടെ ചുമതല വഹിക്കുന്ന അഡ്മിനിസ്‌ട്രേറ്റീവ് അസിസ്റ്റന്‍ ജോസ് വി ചെറിയാന്‍, സ്‌പോര്‍ട്‌സ് കൗണ്‍സില്‍ ജില്ലാ പ്രസിഡന്റ് സലീം പി ചാക്കോ, ജയിംസ് പി ജെ, ബിനു കെ സാം, സജി അലക്‌സാണ്ടര്‍, പബ്ലിസിറ്റി കണ്‍വീനര്‍ എ സുരേഷ്‌കുമാര്‍ സംസാരിച്ചു.
പ്രതികരിക്കാൻ ഇവിടെ എഴുതുക: