ചക്കുളത്തുകാവ്: പഞ്ചഭൂതങ്ങള് സമന്വയിച്ച യാഗഭൂമിയായ ചക്കുളത്തുകാവില് ദേവിക്കു പൊങ്കാല നേദിച്ച് ഭക്തലക്ഷങ്ങള്ക്ക് ആത്മ സായൂജ്യം. സംസ്ഥാനത്തിനകത്തും, പുറത്തും നിന്നും പതിനായിരക്കണക്കിനു ഭക്തരാണ് ചക്കുളത്തുകാവിലെത്തിയത്.
വെളുപ്പിന് 3.30ന് അഷ്ടദ്രവ്യ മഹാഗണപതി ഹോമത്താടെ ചടങ്ങുകള് ആരംഭിച്ചു. തൂടര്ന്ന് ശ്രീകോവിലിനുള്ളിലെ കെടാവിളക്കില് നിന്നും പകര്ന്ന ഭദ്രദീപം പണ്ടാര പൊങ്കാല അടുപ്പില് തെളിയിച്ച് ക്ഷേത്ര മുഖ്യകാര്യദര്ശി രാധാകൃഷ്ണന് നമ്പൂതിരി പൊങ്കാലയ്ക്ക് തുടക്കം കുറിച്ചു. പൊങ്കാലയുടെ ചടങ്ങുകള്ക്ക് ക്ഷേത്ര കാരൃദര്ശി മണിക്കുട്ടന് നമ്പൂതിരി നേതൃത്വം വഹിച്ചു.
രാവിലെ ഒന്പതിന് വിളിച്ചുചൊല്ലി പ്രാര്ത്ഥനക്കു ശേഷം, കൊടിക്കുന്നില് സുരേഷ് എംപി പൊങ്കാല ഉദ്ഘാടനം നിര്വ്വഹിച്ചു. അക്കീരമണ് കാളിദാസ ഭട്ടതിരിപ്പാട് ഭദ്രദീപ പ്രകാശനം നടത്തി. ഹിന്ദു ഐക്യവേദി ജനറല് സെക്രട്ടറി കുമ്മനം രാജശേഖരന് പൊതുസമ്മേളനം ഉദ്ഘാടനം ചെയ്തു.
ക്ഷേത്രംമുഖ്യകാര്യദര്ശി രാധാകൃഷ്ണന് നമ്പൂതിരി ശ്രീകോവിലിനുളളിലെ കെടാവിളക്കില് നിന്നും പകര്ന്ന ഭദ്രദീപം പണ്ടാര പൊങ്കാല അടുപ്പിലേയ്ക്കു പകര്ന്നു. ഇവിടെ നിന്നു പകര്ത്തിയ ദിപം 70 കിലോമീറ്ററോളം ചുറ്റളവില് പൊങ്കാല അടുപ്പുകളിലേയ്ക്ക് 12 മണിയോടെ ദേവിയെ 41 ജീവിതകള് എഴുന്നള്ളിച്ച് അഞ്ഞൂറില്പരം പുരോഹിതന്മാര് നിവേദ്യത്തിന് കാര്മ്മികത്വം വഹിച്ചു.
പൊങ്കാലയുടെ നടത്തിപ്പിന് ക്ഷേത്ര കാരൃദര്ശി മണിക്കുട്ടന് നമ്പൂതിരി നേതൃത്വം വഹിച്ചു. നീരേറ്റുപുറം മുതല് ചെങ്ങന്നുര്, പന്തളം വരെയും, തിരുവല്ലാ ചങ്ങനാശേരി റോഡില് മുത്തുര് വരെയും. പൊടിയാടി മാവേലിക്കര റോഡില് ചെന്നിത്തല വരെയും നീരേറ്റുപുറം അമ്പലപ്പുഴ റോഡില് കേളമംഗലം വരെയും, എടത്വായില് നിന്നു വീയപുരം, കിടങ്ങറ, തായങ്കരി എന്നിവിടങ്ങളിലേക്കുളള റോഡുകളിലും, തിരുവല്ലാ- അമ്പലപ്പുഴ റോഡില് നീരേറ്റുപുറം പാലം മുതല് പൊടിയാടി – തിരുവല്ലാ വരെയും, കിടങ്ങറാ റുട്ടിലും, എംസി റോഡില് കുറ്റുര് മുതല് മുത്തുര് വരെയും, ടികെ റോഡില് മനയ്ക്കച്ചിറ വരെയും പൊങ്കാല അടുപ്പുകള് നിരന്നു. മുന്വര്ഷത്തേക്കാള് വളരെ കുടുതല് ഭക്തര് ഇത്തവണ പൊങ്കാല ഇട്ടു.
വൈകിട്ട് മാത്യു ടി. തോമസ് എംഎല്എയുടെ അദ്ധ്യക്ഷതയില് നടന്ന സാംസ്കാരിക സമ്മേളനം മന്ത്രി കെ. ബാബു ഉത്ഘാടനം ചെയ്തു. ക്ഷേത്രമുഖ്യകാര്യദര്ശി രാധാകൃഷ്ണന് നമ്പുതിരി അനുഗ്രഹ പ്രഭാഷണം നടത്തി. കര്ത്തികസ്തംഭം കത്തിക്കല് യുഎന് വിദഗ്ധ സമിതി ചെയര്മാന് ഡോ. സി.വി. ആനന്ദബോസ് നിര്വഹിച്ചു.
മിനറന്സ് ആന്റ് കെമിക്കല്സ് എംഡി കെ. വേണുഗോപാല്, ക്ഷേത്ര അഡ്മിനിസ്ട്രേറ്റര് അഡ്വ. കെ.കെ. ഗോപാലകൃഷ്ണന് നായര്, ബാബു വലിയവീടന്, അജിത്ത്കുമാര് പിഷാരത്ത്, അഡ്വ. ഡി. വിജയകുമാര്, രമേശ് ഇളമണ്, ജയിംസ് ചുങ്കത്തില്് സെക്രട്ടറി സന്തോഷ് ഗോകുലം എന്നിവര് പ്രസംഗിച്ചു.
