ബ്രഹ്മേശാനാച്ച്യുതേശായ
സൂര്യയാദിത്യ വര്ച്ചസേ
ഭാസ്വതേ സര്വ്വഭക്ഷായ
രൗദ്രായ വച്ചഷേനമഃ
ബ്രഹ്മേശാനച്യുതേശായ- ബ്രഹ്മാവ്, ശിവന്, വിഷ്ണു എന്നിവരെ ആദരിയ്ക്കുന്നവനും സൂര്യായ- സര്വ്വ പ്രേരകനും ആദിത്യ വര്ച്ചസേ- ആദിത്യരൂപമായ ശോഭയോടുകൂടിയവനും ഭാസ്യതേ- പ്രകാശമാര്ന്നവനും സര്വ്വഭക്ഷായ-സര്വ്വസംഹാരകനും രുദ്രായ വപുഷേ-സര്വ്വ സംഹാരകാലത്തില് നമഃ -രൗദ്രരൂപത്തോടുകൂടിയവനുമായ ദേവനു നമസ്ക്കാരം.
കൊടിയവേനല്, പ്രവൃദ്ധമാകുന്ന താപനില, ഒക്കെയും സൂര്യദേവന്റെ രൗദ്ര ഭാവമത്രേ.
തമോഘ്നായ ഹിമഘ്നായ
ശത്രുഘ്നായ മിതാത്മനേ
കൃതഘ്ഘ്നായ ദേവായ
ജ്യോതിഷാം പതയേനമഃ
തമോഘ്നായ- ഇരുട്ടിനെ ഇല്ലാതാക്കുന്നവനും ഹിമഘ്നായ- മഞ്ഞിനെ ഇല്ലാതാക്കുന്നവനും ശത്രുഘ്നായ- ഉപാസകരുടെ ശത്രുക്കളെ നശിപ്പിയ്ക്കുന്നവനും അമിതാത്മനേ- അപരിചിതമായ സ്വരൂപമാര്ന്നവനും കൃതഘ്ഘ്നായ ദേവായ- നന്ദികെട്ടവരെ നശിപ്പിയ്ക്കുന്നവനും ജ്യോതിഷാം പതയേ- പ്രകാശിയ്ക്കുന്ന ജ്യോതിസ്സുകള്ക്ക് നാഥനായുള്ളവന് നമഃ -നമസ്ക്കാരം
ഉപാസകരെ സംരക്ഷിയ്ക്കുകമാത്രമല്ല അവരുടെ ശത്രക്കളെ ഇല്ലാതാക്കുകയും കൂടിചെയ്യുന്നുണ്ട് സൂര്യദേവന്. എല്ലാ പ്രകാശങ്ങളുടേയും പ്രകാശമത്രേ സൂര്യന്.
തപ്ത ചാമീ കരാഭായ
വഹ്നയേ വിഹ്ന കര്മ്മണേ
നമസ്തമോഭിനിഘ്നായ
രൂപയേ ലോകസാക്ഷിണേ
തപ്ത ചാമീകരാഭായ- ഉരുക്കിയ തങ്കത്തിന്റെ നിറത്തോടു കൂടിയവനും വഹ്നയേ- അഗ്നിരൂപത്തില് ഹവിസ്സിനെ വഹിയ്ക്കുന്നവനും വിശ്വകര്മ്മണേ- സര്വ്വ ജഗത്ത് കര്ത്താവും
തമോഭിഘ്നായ- അജ്ഞാനനാശകനും രൂപയേ- പ്രകാശ രൂപിയും ലോകസാക്ഷിണേ- അന്തര്യാമിയായി,ലോകരുടെ പുണ്യ പാപങ്ങള്ക്ക് സാക്ഷിയും ആയിട്ടുള്ളവന് നമഃ- നമസ്ക്കാരം
കര്മ്മ സാക്ഷിയും ലോകസാക്ഷിയുമാണ് സൂര്യന് പാപം ചെയ്യുന്നുവെങ്കില് ഓര്മ്മിയ്ക്കുക ഒക്കെയും സൂര്യന് കാണുന്നുണ്ട്.
-9446442081
