കണ്ണൂര്: ഫസല് വധക്കേസില് പ്രതിചേര്ത്ത് നാടുകടത്തപ്പെട്ട കാരായി രാജന് തെരഞ്ഞെടുപ്പില് മത്സരിക്കാന് ജാമ്യതുക നല്കി പച്ചപ്പരവതാനി വിരിച്ച ടി.പത്മനാഭന് ന്യൂനപക്ഷങ്ങളുടെ പേരില് മുതലക്കണ്ണീരൊഴുക്കുന്നു. ഡിവൈഎഫ്ഐ നേതാവ് നടത്തുന്ന രാഷ്ട്രീയ പ്രചരണ യാത്രയ്ക്ക് ആശംസ അര്പ്പിച്ച് നല്കിയ പ്രസ്താവനയിലാണ് ന്യൂനപക്ഷങ്ങളുടെ പേരില് ടി.പത്മനാഭന് വിലപിക്കുന്നത്.
സ്വന്തം നാട്ടില് 15വയസ്സ് മാത്രം പ്രായമുള്ള ന്യൂനപക്ഷ വിഭാഗത്തില്പെട്ട അരിയില് ഷുക്കൂറിനെ വെട്ടിക്കൊലപ്പെടുത്തിയത് സിപിഎം സംഘമാണെന്ന വസ്തുത അറിയാതെയല്ല പത്മനാഭന്റെ പ്രസ്താവന. തളിപ്പറമ്പില് ന്യൂനപക്ഷ വിഭാഗത്തില്പെട്ട കെവിഎം കുഞ്ഞി സിപിഎമ്മുകാരാല് കൊല്ലപ്പെട്ടിട്ട് ഏതാനും ദിവസങ്ങള് മാത്രമേ ആയിട്ടുള്ളൂ. സിപിഎമ്മുകാരാല് കൊലചെയ്യപ്പെട്ട ന്യൂനപക്ഷങ്ങളില്പ്പെട്ടവരുടെ പട്ടിക ഇനിയുമേറെയുണ്ട്. കൊലയാളികളായ സിപിഎമ്മിനെ ആദരിച്ചംഗീകരിക്കുന്ന പത്മനാഭന് നമ്മുടെ നാട് അത്യന്തം ഭീതിതമായൊരു കാലഘട്ടത്തിലൂടെയാണ് കടന്നുപോകുന്നതെന്നും പ്രസ്താവനയില് പറയുന്നു. പ്രധാനമന്ത്രിയെ വിമര്ശിക്കാനും അദ്ദേഹം മറക്കുന്നില്ല. ഒരുവശത്ത് ന്യൂനപക്ഷങ്ങളെ അക്രമിക്കുന്നവരെ ആലിംഗനം ചെയ്യുകയും മറുവശത്ത് വിമര്ശനത്തിന്റെ വൃഥാവ്യായാമം നടത്തുകയുമാണ് പത്മനാഭന് ചെയ്യുന്നത്. പത്മനാഭന്റെ മനം മാറ്റത്തിനു കാരണം മാത്രമേ ഇനി മലയാളികള്ക്കറിയാനുള്ളൂ.
