ചേര്ത്തല: റവന്യു ജില്ലാ സ്കൂള് പ്രവൃത്തിപരിചയമേളയില് ആദ്യദിനം 22695 പോയിന്റോടെ ആലപ്പുഴ ഉപജില്ലാ മുന്നിട്ടുനില്ക്കുന്നു. ചേര്ത്തല ഉപജില്ല 22615 പോയിന്റോടെ രണ്ടാം സ്ഥാനത്തും തുറവൂര് ഉപജില്ലാ 22507 പോയിന്റോടെ മൂന്നാമതുമുണ്ട്. സയന്സ് മേളയില് തുറവൂര് ഉപജില്ലയ്ക്ക് 71 പോയിന്റും കായംകുളത്തിന് 58 പോയിന്റുമുണ്ട്. മാ!ത്!സ് ഫെയറില് ആലപ്പുഴയ്ക്ക് 187 പോയിന്റും ചേര്ത്തലയ്ക്ക് 160 പോയിന്റുമാണ്. സാമൂഹ്യശാസ്ത്രത്തില് മാവേലിക്കരയ്ക്ക് 27 പോയിന്റും ചേര്ത്തലയ്ക്ക് 23 പോയിന്റുമാണ്.
മാവേലിക്കര 55 പോയിന്റോടെ ഐടി മേളയില് മുന്നിട്ടുനില്ക്കുന്നു. മേള ഇന്ന് സമാപിക്കും.
മുളയില് വിസ്മയം തീര്ത്ത് ലക്ഷ്മി
ചേര്ത്തല: മുളയില് കരവിരുതിന്റെ വിസ്മയം തീര്ത്ത് സഹോദരങ്ങള്. ഒറ്റാലും, കര്ട്ടണും, പേന പെട്ടിയും ഉള്പ്പെടെ നിരവധി ഉല്പ്പന്നങ്ങളുടെ ശേഖരവുമായാണ് മുഹമ്മ കെപിഎം യുപി സ്കൂളിലെ ആര്.ലക്ഷ്മിയും, സഹോദരന് ആര്.വിനയും മല്സരവേദിയിലെത്തിയത്. ലക്ഷ്മി യുപി വിഭാഗത്തിലും, വിനയ് ഹയര് സെക്കന്ഡറി വിഭാഗത്തിലുമാണ് മല്സരിച്ചത്. ഇരുവരും സംസ്ഥാന തലത്തില് മുന്വര്ഷങ്ങളില് ഒന്നാമതെത്തിയവരുമാണ്. ഈറമുള ഉപയോഗിച്ചുള്ള പഴവര്ഗ സ്റ്റാന്ഡ്, മുറം തുടങ്ങിയവയും ഇവര് നിര്മിച്ചു. പിതാവ് രജിമോനാണ് ഇരുവരെയും പരിശീലി്പിക്കുന്നത്.
വിഷമയം കണ്ടെത്താന് പോംവഴിയുണ്ട്
ചേര്ത്തല: അന്യ സംസ്ഥാനങ്ങളില് നിന്നെത്തുന്ന പഴങ്ങളിലും പച്ചക്കറികളിലും നിറയുന്ന വിഷങ്ങളെ കുറിച്ചുള്ള മുന്നറിയിപ്പും, ഇതു കണ്ടെത്തുന്നതിനുള്ള വിദ്യകളും പകര്ന്ന് ശാസ്ത്രമേളയില് വിദ്യാര്ത്ഥികള്. പട്ടണക്കാട് ഗവണ്മെന്റ് വൊക്കേഷണല് ഹയര്സെക്കന്ഡറി സ്കൂളിലെ എസ്.അഭിരാമിയും,സി.എസ്.അനഘയുമാണ് പരീക്ഷണ സ്റ്റാള് ഒരുക്കിയത്. ശാസ്ത്രീയമായ വിവരങ്ങളടക്കം പ്രദര്ശിപ്പിച്ചാണ് മുന്നറിയിപ്പ്. വിഷം കണ്ടെത്തുന്നതിനും ഒഴിവാക്കുന്നതിനുള്ള കുറുക്കുവഴികളും ഇവര് അവതരിപ്പിച്ചിട്ടുണ്ട്്.
പ്ലാസ്റ്റിക് മാലിന്യത്തില് നിന്നും ഇന്ധനം
ചേര്ത്തല: പരിസ്ഥിതിക്കു ഭീഷണിയാകുന്ന പ്ലാസ്റ്റിക്ക് മാലിന്യങ്ങള് പ്രയോജനകരമായ സംസ്കരിക്കുന്ന സംവിധാനം മേളയില് ശ്രദ്ധനേടി. മറ്റു മാലിന്യങ്ങള് സംസ്കരിച്ചുാക്കുന്ന ബയോഗ്യാസില് പ്രവര്ത്തിക്കുന്ന സംവിധാനത്തില് പ്ലാസ്റ്റിക്ക് മാലിന്യങ്ങള് ദ്രവ, വാതക രൂപത്തില് പെട്രോളാക്കി മാറ്റുന്നതാണ് സംവിധാനം. കുട്ടംപേരൂര് എസ്.കെ.വി.എച്ച്.എസ്.എസിലെ ആര്ച്ചയും വൃന്ദയുമാണ് ഇതൊരുക്കിയത്.
കടല്ക്ഷോഭത്തിനും തടയിടാന് കുരുന്നുകള്
ചേര്ത്തല: കല്ലിനും, കാറ്റാടിക്കുമപ്പുറം കടല്ഭിത്തിക്കു പ്രകൃതി സൗഹൃദ ബദലൊരുക്കി തീരദേശ സ്കൂളിലെ വിദ്യാര്ത്ഥികള്. അര്ത്തുങ്കല് സെന്റ് ഫ്രാന്സിസ് അസീസി ഹയര്സെക്കന്ഡറി സ്കൂളിലെ എ.എഫ്.ജിന്സിയും, ബി.സുരഭിയുമാണ് വലയും പാഴ്വസ്തുകളും കൊണ്ട് കടല്സുരക്ഷാ സംവിധാനമൊരുക്കിയത്.
