കൊല്ലം: ഷോഡശ സംസ്കാരങ്ങള് വ്യക്തിത്വവികാസവുമായി ബന്ധപ്പെട്ട് ചിന്തിക്കണമെന്ന് സ്വാമി അദ്ധ്യത്മാനന്ദ സരസ്വതി. ഗര്ഭിണികള്ക്കായി കൊല്ലം സംബോധ് ഫൗണ്ടേഷന് ഒരുക്കിയ പ്രഹഌദീയം’15ല് അനുഗ്രഹ പ്രഭാഷണം നടത്തുകയായിരുന്നു സ്വാമി.
വരുംതലമുറയുടെ ശോഭനഭാവിക്ക് ഗര്ഭിണികള് മനസിരുത്തണം. പ്രഹഌദന്റെ ജീവിതം ഗര്ഭസ്ഥ ശിശുവായിരിക്കുമ്പോള് തന്നെ സ്വാധീനിക്കപ്പെടുകയുണ്ടായി. മാതാവിന്റെ ചിന്തകളും വികാരങ്ങളും ഗര്ഭസ്ഥ ശിശുവിനെയും ബാധിക്കും. ഉദാത്തചിന്തകളും വാക്കുകളും പ്രവര്ത്തികളും ഉറപ്പാക്കണം. സംഗീതത്തിന് വ്യക്തിത്വ രൂപകല്പ്പനയില് മുഖ്യസ്ഥാനമുണ്ട്. ശാസ്ത്രീയസംഗീതം മനസ്സില് ഉദാത്ത വികാരങ്ങള് ഉണര്ത്താന് നല്ലതാണ്. ഗര്ഭിണികള് ഇത്തരം കാര്യങ്ങള് മനസിലാക്കി ജീവിതശൈലിയില് മാറ്റം വരുത്തണമെന്ന് സ്വാമി നിര്ദ്ദേശിച്ചു. ഡോ.ജി.ഹരികുമാര്, ഡോ.ടി.അമ്പിളി, ഡോ.എം.ജി.ഗീത എന്നിവര് ക്ലാസ്സുകള് എടുത്തു. കണ്വീനര് ഡോ.പി.നാരായണക്കുറുപ്പ്, ഫൗണ്ടേഷന് സെക്രട്ടറി അഡ്വ.കല്ലൂര് കൈലാസ്നാഥ്, പാര്വതി അനന്തശങ്കരന്, പി.രാധാകൃഷ്ണന്, ശാന്താപൈ, വസന്തനായര്, ശ്രീലക്ഷ്മി, രമ്യ, ആനന്ദ് വിനായക് എന്നിവര് സംസാരിച്ചു.
