കോട്ടയം: ജാതിക്കതീതമായി ഈശ്വരാരാധന ഏവരുടെയും അവകാശമാണെന്ന് പ്രഖ്യാപിക്കപ്പെട്ട തന്ത്രപ്രവേശന വിളംബരത്തിന്റെ 12-ാം വാര്ഷികാഘോഷ ചടങ്ങ് തിരുവനന്തപുരം പ്രസ് ക്ലബ്ബ് ആഡിറ്റോറിയത്തില് നടക്കും. 13ന് രാവിലെ 9.30ന് നടക്കുന്ന സംസ്ഥാനതല വാര്ഷിക സമ്മേളനം മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും. ചെങ്കോട്ടുകോണം ശ്രീരാമദാസാശ്രമം അദ്ധ്യക്ഷന് ബ്രഹ്മപാദാനന്ദ സരസ്വതിസ്വാമികള് അദ്ധ്യക്ഷത വഹിക്കും. പുതുമന തന്ത്രവിദ്യാലയം മുഖ്യാചാര്യന് പുതുമന മഹേശ്വരന് നമ്പൂതിരി തന്ത്രപ്രവേശന വിളംബര അനുസ്മരണ പ്രഭാഷണം നടത്തും. ജാതിക്കതീതമായി ഏവരിലേക്കും താന്ത്രിക വിദ്യ പകര്ന്ന് നല്കുന്നതിനായി പ്രവര്ത്തിച്ചുവരുന്ന പുതുമന തന്ത്രവിദ്യാലയത്തിന്റെ 15-ാം വാര്ഷികാഘോഷവും ഇതോടൊപ്പം ആചരിക്കും ഒരുവര്ഷം നീണ്ടുനില്ക്കുന്ന വാര്ഷിക ചടങ്ങുകള്ക്ക് മുഖ്യമന്ത്രി ഭദ്രദീപം തെളിയിക്കും. ക്ഷേത്രവാദ്യരംഗത്തെ പ്രമുഖര്ക്ക് നല്കുന്ന വാദ്യകലാനിധി പുരസ്കാരം ദേവസ്വം മന്ത്രി വി.എസ്.ശിവകുമാര് സമ്മാനിക്കും. തിരുവിതാംകൂര് ദേവസ്വം ബോര്ഡില് നിന്നും തെരഞ്ഞെടുക്കപ്പെട്ടവര്ക്ക് നല്കുന്ന ക്ഷേത്രശ്രീപുരസ്കാരം ഗതാഗത വകുപ്പ് മന്ത്രി തിരുവഞ്ചൂര് രാധാകൃഷ്ണന് വിതരണം ചെയ്യും. താന്ത്രിക മേഖലയിലെ ശ്രദ്ധേയമായ പ്രവര്ത്തനങ്ങള്ക്കുള്ള വിനായക ചതുര്ത്ഥി പുസ്കാരം കെ.മുരളീധരന് എംഎല്എ വിതരണം ചെയ്യും. വാദ്യകലാനിധി പ്രശസ്തി പത്രം മുന് കേന്ദ്രമന്ത്രി ഒ.രാജഗോപാലും, ക്ഷേത്രശ്രീപ്രശസ്തിപത്രം തിരുവിതാംകൂര് ദേവസ്വം ബോര്ഡ് മെമ്പര് പി.കെ.കുമാരനും വിതരണം ചെയ്യും. പുതുമനതന്ത്രവിദ്യാലയത്തില് നിന്നും താന്ത്രികവിദ്യ അഭ്യസിച്ചവരുടെ സര്ട്ടിഫിക്കറ്റ് വിതരണം തിരുവിതംകൂര് ദേവസ്വം ബോര്ഡ് തിരുവാഭരണം കമ്മീഷണര് പി.ആര്.അനിത നിര്വ്വഹിക്കും. തിരുവനന്തപുരം കോര്പ്പറേഷന് പ്രതിപക്ഷ നേതാവ് ജോണ്സണ് ജോസഫ്, തിരുവിതംകൂര് ദേവസ്വം ബോര്ഡ് പിആര്ഒ മുരളി കോട്ടയ്ക്കകം എന്നിവര് ആശംസയര്പ്പിക്കും.
തന്ത്രപ്രവേശന വിളംബരം വാര്ഷികാഘോഷം 13ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.