തിരുവല്ല: പുഷ്പഗിരി ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് ആന്‍ഡ് റിസര്‍ച്ച് സെന്ററിന്റെ ആഭിമുഖ്യത്തിലുള്ള പത്താമത് മാര്‍ തെയോഫിലോസ് മെമ്മോറിയല്‍ ഇന്റര്‍ ബാസ്‌ക്കറ്റ്‌ബോള്‍ ടൂര്‍ണമെന്റ് നാളെ മുതല്‍ നാല് വരെ നടക്കും.
പുഷ്പഗിരി ഫ്‌ലഡ്‌ലിറ്റ് സ്‌റ്റേഡിയത്തില്‍ നാളെ വൈകിട്ട് 5.30ന് അതിരൂപതാ വികാരി ജനറല്‍ ഫാ.ആന്റണി ചെത്തിപ്പുഴ ടൂര്‍ണമെന്റ് ഉദ്ഘാടനം ചെയ്യും. മുന്‍ ഇന്ത്യന്‍ ഫുട്‌ബോള്‍താരം ഷെറഫലി വിശിഷ്ടാതിഥിയാകും. 14ടീമുകള്‍ പുരുഷ വിഭാഗത്തിലും നാല് ടീമുകള്‍ വനിതാ വിഭാഗത്തിലും ഏറ്റുമുട്ടുന്ന ടൂര്‍ണമെന്റില്‍ ലീഗ് കം നോക്കൗട്ട് അടിസ്ഥാനത്തിലാണ് മത്സരം. തിരുവനന്തപുരം, കോട്ടയം, കൊച്ചി, കോഴിക്കോട്, തൃശ്ശൂര്‍ ഗവ.മെഡിക്കല്‍ കോളേജുകളും തിരുവല്ല പുഷ്പഗിരി, ആലപ്പുഴ ടി.ഡി, തൃശ്ശൂര്‍ ജൂബിലി മിഷന്‍, പെരിന്തല്‍മണ്ണ എംഇഎസ്, വെഞ്ഞാറംമൂട് ഗോകുലം, കൊല്ലം അസീസിയ, കൊച്ചി അമൃതാ മെഡിക്കല്‍ കോളേജുകളുമാണ് മാറ്റുരയ്‌ക്കുന്നത്.
വിജയികള്‍ക്ക് ട്രോഫിയും കാഷ് അവാര്‍ഡും നല്‍കും. നാലിന് വൈകിട്ട് 7.30ന് കേരള സ്‌പോര്‍ട്‌സ് കൗണ്‍സില്‍ സെക്രട്ടറി ബിനുജോര്‍ജ്ജ് വര്‍ഗീസ് സമാപന സമ്മേളനം ഉദ്ഘാടനം ചെയ്യും. അതിരൂപതാ സഹായമെത്രാന്‍ ഫിലിപ്പോസ് മാര്‍ സ്‌തേഫാനോസ് വിശിഷ്ടാതിഥിയാകും. ടൂര്‍ണമെന്റിന്റെ ഒരുക്കങ്ങള്‍ പൂര്‍ത്തിയായതായി ജനറല്‍ കണ്‍വീനര്‍ ഫാ. ഫിലിപ്പ് മഞ്ചാടി, പ്രിന്‍സിപ്പല്‍ ഡോ. ടി.പി. തങ്കപ്പന്‍, അലക്‌സ്മാമ്മന്‍, ഡോ. എബ്രഹാംവര്‍ഗീസ്, ജോമോന്‍മാത്യു, ജയ് കൈതോ ണ്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.
പ്രതികരിക്കാൻ ഇവിടെ എഴുതുക: