കൂടാളി: ബിജെപി വനിതാ സ്ഥാനാര്‍ത്ഥിയെ അപമാനിച്ചും വധഭീഷണി മുഴക്കിയും ഫെയ്‌സ് ബുക്ക് പോസ്റ്റ് .സംഭവം സംബന്ധിച്ച് സ്ഥാനാര്‍ത്ഥി എസ്പിക്കും കലക്ടര്‍ക്കും പരാതി നല്‍കി. കൂടാളി ഗ്രാമ പഞ്ചായത്ത് 16ാം വാര്‍ഡില്‍ ബിജെപി സ്ഥാനാര്‍ത്ഥിയായി മത്സരിക്കുന്ന സി.ഷൈമയാണ് തന്നെയും ഭര്‍ത്താവിനേയും അപകീര്‍ത്തിപ്പെടുത്തിയും അവാസ്തവികമായ കാര്യങ്ങള്‍ പ്രചരിപ്പിച്ചും റിജേഷ് പൂവത്തൂര്‍ എന്നയാള്‍ ഫെയ്‌സ്ബുക്കില്‍ പോസ്റ്റിട്ടുവെന്ന് ചൂണ്ടിക്കാട്ടിയാണ് പരാതി നല്‍കിയത്. കൂടാതെ കൂടാളിയില്‍ വന്നാല്‍ വധിക്കുമെന്നും പോസ്റ്റില്‍ വ്യക്തമാക്കിയിട്ടുണ്ട്. സിപിഎമ്മിന്റെ കൂടാളി മേഖലയിലെ സ്ഥിരം പ്രശ്‌നക്കാരനായ ഇയാളുടെ നടപടിക്കെതിരെ പ്രദേശത്ത് വ്യാപക പ്രതിഷേധമുയര്‍ന്നിട്ടുണ്ട്. റിജേഷിനെതിരെ നടപടിയെടുക്കണമെന്ന് പരാതിയില്‍ ആവശ്യപ്പെട്ടു.
Wednesday, November 27, 2024
ബിജെപി വനിതാ സ്ഥാനാര്‍ത്ഥിയെ അപമാനിച്ചും വധഭീഷണി മുഴക്കിയും ഫെയ്‌സ് ബുക്ക് പോസ്റ്റ് : എസ്പിക്കും കലക്ടര്‍ക്കും പരാതി നല്‍കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: