ശാസ്താംകോട്ട: പനപ്പെട്ടി രണ്ടാംവാര്ഡില് വിജയമുറപ്പിച്ച ആത്മ വിശ്വസത്തിലാണ് ബിജെപി. എതിര്സ്ഥാനാര്ത്ഥികളെ നിഷ്പ്രഭരാക്കികൊണ്ടാണ് ബിജെപിയുടെ മുന്നേറ്റം. എന്എസ്എസ് മഹിളാ സമുദായത്തില് പ്രവര്ത്തിച്ച് അനുഭവസമ്പത്തുള്ള ഷൈനി ബിന്ദുകുമാറാണിവിടെ ബിജെപിയുടെ മുന്നണി പോരാളി. ഇവിടുത്തെ നിലവിലെ പഞ്ചായത്തംഗം പഞ്ചായത്ത് വൈസ് പ്രസിഡന്റായിരുന്നിട്ട് പോലും ഇവിടുത്തെ നാട്ടുകാര്ക്ക് യാതൊരു പ്രയോജനവും ഉണ്ടായിട്ടില്ലെന്ന ആക്ഷേപം നിലനില്ക്കുകയാണ്. കുടിവെള്ളത്തിനായി ഇവിടുത്തുകാര് ഇപ്പോഴും മഴയെയാണ് ആശ്രയിക്കുന്നത്. ഒരു കുടിവെള്ളപദ്ധതി പോലും സ്ഥാപിക്കാന് പഞ്ചായത്തംഗത്തിന് സാധിച്ചിട്ടില്ല. ഏതുനിമിഷവും തകര്ന്നുവീഴാവുന്ന അംഗന്വാടി കെട്ടിടത്തിലാണ് ഇവിടുത്തെ കുരുന്ന് പഠിക്കുന്നത്. റോഡുകളുടെ കാര്യം പറയുകയും വേണ്ട. പഞ്ചായത്തംഗത്തെ നാട്ടുകാര് കണ്ടിട്ട് അഞ്ച് വര്ഷമായി. ഈ വക കാര്യങ്ങള് മുന്നില് നിര്ത്തിയാണ് ബിജെപി പ്രചരണം. മുസ്ലീം ഭൂരിപക്ഷ പ്രദേശമായിട്ടും 15 വര്ഷത്തെ യുഡിഎഫ് ഭരണത്തോടുള്ള എതിര്പ്പ് തങ്ങള്ക്കനുകൂലമാകുമെന്ന ശുഭ പ്രതീക്ഷയിലാണ് ബിജെപി. വീട്ടമ്മയുടെ അനുവാദമില്ലാതെ സ്ഥാനാര്ഥിയാക്കാന് ശ്രമിച്ച് സിപിഐ പുലിവാല് പിടിച്ച വാര്ഡ് കൂടിയാണിത്. പ്രധാനമായും ബിജെപിയുഡിഎഫ് മത്സരമാണിവിടെ നടക്കുന്നത്. ആദ്യഘട്ട പ്രചരണം പൂര്ത്തിയായി ബിജെപി രണ്ടാം ഘട്ടത്തിലേക്ക് കടന്നു.
ശാസ്താംകോട്ട പനപ്പെട്ടിയില് വിജയമുറപ്പിച്ച് ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.