കൊട്ടാരക്കര: മുന്നണികളുടെ ജനദ്രോഹ നയങ്ങളോടും വര്ഗീയപ്രീണനത്തോടുമുള്ള കേരളീയ സമൂഹത്തിന്റെ അടക്കിപിടിച്ച രോഷം ഇത്തവണ ബിജെപിക്ക് അനുകൂലമാവുമെന്ന് ബിജെപി സംസ്ഥാനസെക്രട്ടറി ബി.രാധാകൃഷ്ണമോനോന് പറഞ്ഞു. മൈലം ഗ്രാമപഞ്ചായത്തിന്റെ തെരഞ്ഞെടുപ്പ് കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
മുന്നണികള് തമ്മിലുള്ള മത്സരം മാറി മുന്നണികളും ബിജെപിയും തമ്മിലായി മത്സരമെന്നതാണ് ഇത്തവണ തെരഞ്ഞെടുപ്പിന്റെ പ്രത്യേകത. എസ്എന്ഡിപി ഉള്പ്പടെയുള്ള സമുദായങ്ങള് ബിജെപിയുമായി അടുക്കുന്നതില് ഹാലിളകിയ സിപിഎം ഇവരെ താറടിക്കാനാണ് വെള്ളാപ്പള്ളിക്കെതിരെ വ്യക്തിഹത്യയുമായി രംഗത്തിറങ്ങിയിരിക്കുന്നത്. ന്യൂനപക്ഷസമുദായത്തില് നിന്ന് ധാരാളം ആളുകള് താമരചിഹ്നത്തില് മത്സരിച്ചപ്പോള് ആ വോട്ടുബാങ്കും നഷ്ടമാകുമെന്ന ഭീതിയില് നുണപ്രചരണം നടത്തി അവര്ക്കിടയില് ആശങ്ക സൃഷ്ടിക്കുകയാണ്. നവോത്ഥാന നായകന്മാരെ എന്നും തള്ളിപറഞ്ഞ പാരമ്പര്യമാണ് സിപിഎമ്മിനുള്ളത്. താമക്കുടി സഹകരണബാങ്കിലെ നിക്ഷേപകരുടെ പണം തിരിച്ച് നല്കാന് കേരളസര്ക്കാരും സഹകരണവകുപ്പും അടിയന്തിരനടപടി സ്വീകരിക്കണം. കുറ്റക്കാരായ സിപിഎം നേതാക്കന്മാരെ അറസ്റ്റ് ചെയ്ത് ഇവരുടെ സ്വത്ത് കണ്ടുകെട്ടാന് നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
കണ്വീനര് പി.എം.രവികുമാര് അദ്ധ്യക്ഷനായിരുന്നു. നേതാക്കളായ വയ്ക്കല് മധു, മഠത്തില് ശശി, കെ.വാസുദേവന്നായര്, അഡ്വ.എന്.ചന്ദ്രമോഹനന്, സുനീഷ്മൈലം, ചാലുക്കോണം അജിത്ത്, കെ.വി.സന്തോഷ്ബാബു, അജയകുമാര്, അന്തമണ്ബിനു എന്നിവര് സംസാരിച്ചു.
