പൊന്കുന്നം: പ്രൈവറ്റ് ബസ്സ്റ്റാന്റ് തകര്ച്ചയില്. നിറയെ കുണ്ടും കുഴിയും നിറഞ്ഞ യാത്രക്കാര്ക്ക് പേടിസ്വപ്നമായി. ദിവസവും മൂന്നൂറോളം ബസുകള് പ്രവേശിക്കുന്ന പൊന്കുന്നം പ്രൈവറ്റ് സ്റ്റാന്ഡിലെ അവസ്ഥയാണിത്.
കോണ്ക്രീറ്റിംഗ് ഇളകിയ മാറിയ കുഴികളില് മഴവെള്ളം കെട്ടിനില്ക്കുന്നു. അമിത വേഗത്തിലുള്ള ബസുകളുടെ പോക്കുവരവുകൂടിയാകുമ്പോള് ചെളിവെള്ളം യാത്രക്കാരുടെ ദേഹത്ത് പതിക്കുന്നത് പതിവ് കാഴ്ച.
ഇളകിയ കോണ്ക്രീറ്റിംഗിലെ കമ്പികള് ഉയര്ന്നു നില്ക്കുന്നതും അപകട സാദ്ധ്യത വര്ദ്ധിപ്പിക്കുന്നു. കാല്നടയാത്രക്കാര്ക്കാണ് ഇത് ഏറെ വിനയാകുന്നത്. മഴപെയ്താല് യാത്രക്കാര്ക്ക് സ്റ്റാന്ഡില് പ്രവേശിക്കാന് കഴിയാത്ത അവസ്ഥയാണ്. സ്ത്രീകള് ഉള്പ്പെടെയുള്ള യാത്രക്കാരുടെ വസ്ത്രങ്ങള് ചെളിവെള്ളത്തില് നനഞ്ഞൊലിക്കും. നില്ക്കുന്നതിനും ഇരിക്കുന്നതിനും വേണ്ടത്ര സൗകര്യം ഇല്ലാത്തതും യാത്രക്കാരുടെ ദുരിതം വര്ദ്ധിപ്പിക്കുന്നു. യഥാസമയം അറ്റകുറ്റപ്പണികള് നടത്താന് ചിറക്കടവ് പഞ്ചായത്ത് അധികൃതര് അലംഭാവം കാട്ടിയതായി ആക്ഷേപം ഉയര്ന്നു. ഗുണമേന്മയില്ലാത്ത സാധനസാമഗ്രികള് ഉപയോഗിച്ച് അറ്റകുറ്റപ്പണികള് നടത്തുന്നത് സ്റ്റാന്ഡ് തകരുന്നതിന് കാരണമായി. കോണ്ക്രീറ്റിംഗ് പണികളില് അഴിമതിയും ക്രമക്കേടും നടക്കുന്നുണ്ടെന്ന ആക്ഷേപത്തെ ശരിവയ്ക്കുന്നതാണ് സ്റ്റാന്ഡിന്റെ ഇപ്പോഴത്തെ അവസ്ഥ.പഞ്ചായത്ത് തിരഞ്ഞെടുപ്പ് നടക്കുന്നതിനാല് ഉടനെ ഒരു നടപടി ഉണ്ടാകാനിടയില്ലെന്ന് യാത്രക്കാര് പരാതിപ്പെടുന്നു.
