ആലപ്പുഴ: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില് ബിജെപി ജില്ലയില് 696 സ്ഥാനാര്ത്ഥികളെ പ്രഖ്യാപിച്ച് മുന്നിലെത്തി. ഇടതു വലതു മുന്നണികളില് സ്ഥാനാര്ത്ഥിയെച്ചൊല്ലിതമ്മിലടി മുറുകുമ്പോഴാണ് ബിജെപി സ്ഥാനാര്ത്ഥികളെ പ്രഖ്യാപിച്ച് തെരഞ്ഞെടുപ്പ് പ്രചരണത്തില് സജീവമായത്. ഗ്രാമപഞ്ചായത്തുകളിലേക്ക് 554 സ്ഥാനാര്ത്ഥികളെയാണ് ആദ്യഘട്ടത്തില് പ്രഖ്യാപിച്ചത്. നഗരസഭാ വാര്ഡുകളിലേക്ക് 95ഉം ബ്ലോക്ക് പഞ്ചായത്തുകളിലേക്ക് 35ഉം സ്ഥാനാര്ത്ഥികളെ പ്രഖ്യാപിച്ചു. ജില്ലാ പഞ്ചായത്തിലെ 12 ഡിവിഷനുകളിലെ സ്ഥാനാര്ത്ഥികളെയും തീരുമാനിച്ചു. ജില്ലാ പഞ്ചായത്ത് സ്ഥാനാര്ത്ഥികളെ സംസ്ഥാന തെരഞ്ഞെടുപ്പ് സമിതിയാണ് ഔദ്യോഗികമായി പ്രഖ്യാപിക്കുന്നത്.
ജില്ലാപഞ്ചായത്ത് ചെന്നിത്തല ഡിവിഷനില് നിലവിലെ ജില്ലാ പഞ്ചായത്തംഗവും കേരളാ കോണ്ഗ്രസ് എം നേതാവുമായ അഡ്വ. ആശാരാജ് എന്ഡിഎ സ്ഥാനാര്ത്ഥിയായി മത്സരിക്കും. ജില്ലാ പഞ്ചായത്ത് നൂറനാട് ഡിവിഷനില് എന്ഡിഎയ്ക്കുവേണ്ടി ആര്എസ്പി ബിയുടെ സ്ഥാനാര്ത്ഥിയാകും മത്സരിക്കുക.
രണ്ടാംഘട്ട സ്ഥാനാര്ത്ഥി പട്ടികയും അടുത്ത ദിവസംതന്നെ പ്രഖ്യാപിക്കും. ജില്ലയിലെ നഗരസഭകള്, ഗ്രാമപഞ്ചായത്തുകള്, ബ്ലോക്കുഡിവിഷനുകള് എന്നിവ ഉള്പ്പെടെ വിവിധ പ്രദേശങ്ങളില് എസ്എന്ഡിപിയുമായി ധാരണയായിക്കഴിഞ്ഞു. ഘടകകക്ഷികളായ ആര്എസ്പി ബി, കേരളാ കോണ്ഗ്രസ് എന്നിവര്ക്ക് വിവിധയിടങ്ങളില് സീറ്റു നല്കിയിട്ടുണ്ട്. എന്ഡിഎയുടെ തെരഞ്ഞെടുപ്പ് പ്രചരണം ആഴ്ചകള് മുമ്പുതന്നെ ആരംഭിച്ചിരുന്നു. സ്ഥാനാര്ത്ഥി നിര്ണത്തില്തന്നെ മുന്നണികളെ പരാജയപ്പെടുത്താന് എന്ഡിഎയ്ക്ക് സാധിച്ചു. എസ്എന്ഡിപി, കെപിഎംഎസ്, മറ്റു സാമുദായിക സംഘടനകള് എന്നിവയും ബിജെപി സ്ഥാനാര്ത്ഥികള്ക്ക് പലസ്ഥലങ്ങളിലും നിരുപാധിക പിന്തുണ പ്രഖ്യാപിച്ചിട്ടുണ്ട്. ഈ സാഹചര്യത്തില് ഉയര്ന്ന ആത്മവിശ്വാസത്തോടെയാണ് ഇത്തവണ ബിജെപി മത്സരരംഗത്തുള്ളത്.
ജില്ലാ പഞ്ചായത്ത് ഡിവിഷന് ബിജെപി സ്ഥാനാര്ത്ഥികള്
പൂച്ചാക്കല്- മിഥുന്ലാല്, മാന്നാര്- എം.വി. ഗോപകുമാര്, മുളക്കുഴ- ബി. കൃഷ്ണകുമാര്, വെണ്മണി- അഡ്വ. കെ. കെ. അനൂപ്, ഭരണിക്കാവ്- എസ്. ഗിരിജ, കൃഷ്ണപുരം- ശോഭാരവീന്ദ്രന്, പത്തിയൂര്- സുഷമാ വി. നായര്, അമ്പലപ്പുഴ- കൊട്ടാരം ഉണ്ണികൃഷ്ണന്, പുന്നപ്ര- ഡി. ഭുവനേശ്വരന്, വയലാര്- ബിന്ദു, നൂറനാട്- അനില് (ആര്എസ്പി ബി), ചെന്നിത്തല- അഡ്വ. ആശാരാജ് (എന്ഡിഎ)
ആലപ്പുഴ നഗരസഭാ ബിജെപി സ്ഥാനാര്ത്ഥികള്
പുന്നമട- ആര്. രജീഷ്കുമാര്, നെഹ്റുട്രോഫി- ടി.ജി. രാധാകൃഷ്ണന്, കൊറ്റംകുളങ്ങര- പാര്വ്വതി, കരളകം- കെ.വി. ഉണ്ണികൃഷ്ണ മേനോന്, കറുകയില്- ആര്. സിന്ധു, തോണ്ടന്കുളങ്ങര- ടി. മോഹനന്, മന്നം- പി.വി.വേണുഗോപാല്, ചാത്തനാട്- സൗമ്യ പൊടിയന്, ആശ്രമം- പി. സുരേഷ്, അവലൂക്കുന്ന്- ആര്. രുദ്രന്, കളപ്പുര- സി.പി. ജഗന്നാഥന്, കാഞ്ഞിരംചിറ- വി.എന്.സുഗുണന്, തുമ്പോളി- ജി. മോഹനന്, കൊമ്മാടി- എന്. എം. റിച്ചു. മംഗലം- സജി പി. ദാസ്, മുല്ലയ്ക്കല്- റാണി രാമകൃഷ്ണന്, കളര്കോട്- സലീല, പാലസ്- നിഷാ ബൈജു, പള്ളാത്തുരുത്തി- ബാബു റഹ്മാന്, എഎന് പുരം- എ.ഡി. പ്രസാദ്കുമാര്, ഗുരുമന്ദിരം- വി.ആര്. വിനോദ്, ഇരവുകാട്- സെല്ബി അനില്കുമാര്, കുതിരപ്പന്തി- കെ.കെ. പൊന്നപ്പന്, ആലിശ്ശേരി- ഉഷാ കനകരാജ്, എം.ഒ. വാര്ഡ്- ജയ .എ
