ആലപ്പുഴ: തദ്ദേശസ്വയംഭരണ തെരഞ്ഞെടുപ്പില് മത്സരിക്കുന്ന സ്ഥാനാര്ഥികളുടെ ചിത്രം വ്യക്തമാകാന് ഇനിയും ദിവസങ്ങളെടുക്കും. ബിജെപി സ്ഥാനാര്ത്ഥികളുടെ പട്ടിക അന്തിമമായി 11ന് പ്രഖ്യാപിക്കും. ബിജെപി സ്ഥാനാര്ത്ഥികള് സംബന്ധിച്ച ഏതാണ്ട് തീരുമാനമായിട്ടുണ്ടെങ്കിലും എന്ഡിഎ ഘടക കക്ഷികളുമായി ചര്ച്ച പൂര്ത്തിയാകാനുണ്ട്. പല സ്ഥലങ്ങളിലും എസ്എന്ഡിപി പ്രാദേശിക നേതൃത്വവും ബിജെപിയിമായി ധാരണയ്ക്ക് ശ്രമിക്കുന്നുണ്ട്.
ഇത്തവണ മൂന് വര്ഷത്തേതിനേക്കാള് പത്തിരട്ടിയിലേറെ സീറ്റുകള് കരസ്ഥമാക്കുക മാത്രമല്ല, നിരവധി തദ്ദേശസ്ഥാപനങ്ങളിലും ഭരണം പിടിച്ചെടുക്കാനും കഴിയുമെന്ന ഉറച്ച പ്രതീക്ഷയോടെയാണ് ബിജെപി പ്രവര്ത്തനം പുരോഗമിക്കുന്നത്. മാറിയ രാഷ്ട്രീയ സാഹചര്യത്തില് വന് കുതിച്ചുച്ചാട്ടമാണ് ബിജെപി ലക്ഷ്യം.
സീറ്റ് വിഭജനം സംബന്ധിച്ച് ഇടതുമുന്നണി ഘടകകക്ഷികളുമായി ഇതിനോടകം ഒരു റൗണ്ട് ചര്ച്ച എല്ലായിടങ്ങളിലും നടത്തിക്കഴിഞ്ഞു. തര്ക്കമുണ്ടായ സീറ്റുകള് സംബന്ധിച്ച് ഉഭയകക്ഷി ചര്ച്ചകള് നടത്തി തീരുമാനമുണ്ടാക്കാനാണ് ധാരണ. സീറ്റുധാരണയായ സ്ഥലങ്ങളില് മത്സരിക്കുന്ന സ്ഥാനാര്ഥികളെക്കുറിച്ചുള്ള അന്തിമ രൂപം രണ്ടു ദിവസങ്ങള്ക്കകം ഉണ്ടാകും. സിപിഎം മത്സരിക്കുന്ന സീറ്റുകളിലെ സ്ഥാനാര്ഥി പട്ടിക പത്തിന് പ്രഖ്യാപിക്കും. ജാതിമത പരിഗണനയാണ് സ്ഥാനാര്ത്ഥി നിര്ണയത്തിലെ പ്രധാന മാനദ്ണ്ഡം. പതിവിനു വിരുദ്ധമായി എസ്എന്ഡിപി പ്രവര്ത്തനത്തിലുള്ളവരെ കൂടുതലായി സാഥാനാര്ത്ഥിയാക്കന് സിപിഎമ്മും സിപിഐയും മത്സരിക്കുന്നു.
യുഡിഎഫിന് നേതൃത്വം നല്കുന്ന കോണ്ഗ്രസിന്റെ സ്ഥാനാര്ഥികളെ സംബന്ധിച്ച് ഒമ്പതിന് ചേരുന്ന വാര്ഡ് കമ്മിറ്റിക്കുശേഷമാകും ധാരണയാകുക. ഒമ്പതിന് വൈകുന്നേരം നാലിനാണ് സംസ്ഥാന വ്യാപകമായി കോണ്ഗ്രസിന്റെ വാര്ഡ് കമ്മിറ്റികള് വിളിച്ചിരിക്കുന്നത്. ഈ കമ്മറ്റിയില് സ്ഥാനാര്ഥികളെ സംബന്ധിച്ച് ഉണ്ടാകുന്ന നിര്ദേശങ്ങള് തൊട്ടുമുകളിലെ കമ്മിറ്റികള്ക്ക് നല്കും.
ഒരാള് മാത്രമാണ് സ്ഥാനാര്ഥിയായി നിര്ദേശിക്കപ്പെടുന്നതെങ്കില് ഇത് അംഗീകരിക്കുകയും ഒന്നിലധികം പേരുണ്ടെങ്കില് സമവായത്തിലൂടെ ഒരാളെ കണ്ടെത്താന് ശ്രമിക്കുകയും ചെയ്യും. ഇതിന് സാധിച്ചില്ലെങ്കില് ജില്ലാ കമ്മറ്റി , കെപിസിസി എന്നിവയുടെ പരിഗണനയ്ക്ക് വിഷയം വിടാനാണ് നിര്ദേശം.
പതിവു പോലെ സംഘടിത മതന്യൂനപക്ഷ നേതാക്കളുടെ ഇംഗിതങ്ങള്ക്ക് അനുസരിച്ചാണ് കോണ്ഗ്രസിലെയും യുഡിഎഫ് ഘടക കക്ഷികളുടെയും സ്ഥാനാര്ത്ഥി നിര്ണയും. മതനേതൃത്വങ്ങളുമായി മുന്നണിക്കതീതമായി ധാരണയ്ക്കും ഇരുമുന്നണികളും ശ്രമം തുടങ്ങിക്കഴിഞ്ഞു. കത്തോലിക്കാ കോണ്ഗ്രസ്. എസ്ഡിപിഐ, പിഡിപി, ഐഎന്എല്, വെല്ഫയര് പാര്ട്ടി തുടങ്ങിയ കൊടുംവര്ഗീയ സംഘടനകള്ക്ക് പിന്നാലെയാണ് സിപിഎമ്മും കോണ്ഗ്രസും.
