കൊച്ചി: അമൃത ഇന്സ്റ്റിറ്റിയൂട്ട് ഓഫ് മെഡിക്കല് സയന്സസില് നടന്നു വരുന്ന രണ്ടു ദിവസത്തെ ഗൈനക് ഓങ്കോളജിസ്റ്റ് റോബോട്ടിക് സര്ജന്മാരുടെ സമ്മേളനം സമാപിച്ചു. സമ്മേളനത്തില് വിവിധ വിഭാഗങ്ങളിലെ സര്ജന്മാര് റോബോട്ടിക് സര്ജറിയുടെ സാങ്കേതിക വശങ്ങളെക്കുറിച്ച് വിശദീകരിച്ചു. ന്യൂയോര്ക്ക് മെമോറിയല് സ്ലോവാന് കെറ്റെറിങ്ങ് ക്യാന്സര് ഇന്സ്റ്റിറ്റിയൂട്ടിലെ വിദഗ്ദ്ധ ഗൈനക് ഓണ്ക്കോളജിസ്റ്റ് ഡോ:മാരിയൊ.എം ലിയാറ്റൊ റോബോട്ടിക് ശസ്ര്തക്രിയകളെക്കുറിച്ചും ശസ്ര്തക്രിയകളിലെ സങ്കീര്ണ്ണ വശങ്ങളെക്കുറിച്ചും മുഖ്യപ്രഭാഷണം നടത്തി.
ക്യാന്സര് തുടക്കത്തിലെ കണ്ടുപിടിച്ചു ഉചിതമായ ചികിത്സയും പുനരധിവാസവും നല്കേണ്ടതിന്റെ ആവശ്യം വളരെ പ്രധാനമാണ്. മൂത്രാശയ ക്യാന്സറും, ഗര്ഭാശയ ക്യാന്സറും ഇന്ത്യയില് വര്ദ്ധിച്ചു കൊണ്ടിരിക്കുന്നു. ഇതിനു പ്രധനകാരണം ജീവിത ശൈലിയിലുള്ള മാറ്റം, വൈകിയുള്ള വിവാഹം എന്നിവയാണ്. ഉചിതമായ സാങ്കേതികവിദ്യകളുള്ള ചികിത്സാകേന്ദ്രങ്ങള് ഇന്ത്യയില് ലഭ്യമാണ്. റോബോട്ടിക് ശത്രക്രിയ കൂടുതല് സുരക്ഷിതത്വം, വളരെ സൂക്ഷ്മമായ ശസ്ര്തക്രിയ നടത്തുന്നതിനും, ചെറിയ മുറിവുണ്ടാക്കി ശസ്ര്തക്രിയ നടത്താമെന്നുള്ളതും, രോഗിക്ക് ആശുപത്രിവാസം കുറവുമതിയെന്നുള്ളതും റോബോട്ടിക് സര്ജറിയുടെ പ്രത്യേകതയാണ്. സാധാരണ ശസ്ര്തക്രിയയെ അപേക്ഷിച്ച് രക്തനഷ്ടം, ഇന്ഫെക്ഷന്, വേദന എന്നിവ കുറവായിരിക്കും.
ഇന്ത്യയില് നിന്നും വിദേശത്തുനിന്നുമുള്ള വിദഗ്ദ്ധ റോബോട്ടിക് സര്ജന്മാര് സമ്മേളനത്തില് പങ്കെടുത്തു. മെഡിക്കല് ഡയറക്ടര് ഡോ:പ്രേംനായര്, അസ്സോസ്സിയേഷന് ഓഫ് ഗൈനകോളജിക് ഓണ്കോളജിസ്റ്റ് ഓഫ് ഇന്ത്യ പ്രസിഡന്റ് ഡോ:നീരജഭ്യാട്ല്യ, ഗൈനക്ക് ഓണ്കോളജി വിഭാഗം മേധാവി ഡി.കെ. വിജയകുമാര്, അസ്സോസിയേറ്റ് പ്രൊഫസര് ഡോ:അനുപമ രാജന് ബാബു, ഗൈനക്കോളജി വിഭാഗം ഡോ:സരള ശ്രീധര് എന്നിവര് സംസാരിച്ചു.
