പണം വച്ച് ചീട്ടുകളിച്ച ഏഴ് പേര്‍ പിടിയില്‍

ഇടുക്കി : മണിയാറന്‍കുടി ഭൂമിയാങ്കുളത്ത് കടയുടെ മറവിലിരുന്ന് ചീട്ടുകളിച്ച ഏഴ് പേര്‍ പിടിയില്‍ ചീട്ടുമേശയില്‍ നിന്ന് 6800 രൂപ പിടിച്ചെടുത്തു. ഇന്നലെ രാവിലെ പത്തരയോടെയാണ് ഇടുക്കി എസ്.ഐയുടെ നേതൃത്വത്തിലുള്ള പോലീസ് സംഘം സ്ഥലത്തെത്തിയത്. പ്രതികള്‍ നാളുകളായി ഇവിടെ ചീട്ടുകളി നടത്തിവരുകയായിരുന്നു. നാട്ടുകാരുടെ പരാതിയെത്തുടര്‍ന്നാണ് പോലീസ് എത്തിയത്.