ആലപ്പുഴ: കുട്ടികളെ കണ്ണന്മാരായി വളര്ത്തുന്ന സം സ്കാരമാണ് നമ്മുടേതെന്നും ഇത് വളര്ത്തിയെടുക്കുകയാണ് ബാലഗോകുലത്തിന്റെ ലക്ഷ്യമെന്നും ബാലഗോകുലം സംസ്ഥാന സെക്രട്ടറി കെ.എന്. അശോകന്. നെടുമുടിയില് ശോഭായാത്ര ഉ ദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ശ്രീകൃഷ്ണജയന്തി ബാലദിനമായി ബാലഗോകുലം ആചരിക്കുന്നത് ഇതിന്റെ ഭാഗമാണെന്നും അദ്ദേഹം പറഞ്ഞു. എടത്വ താലൂക്കില് പനയന്നാര് കാവില് മേല് ശാന്തി ആനന്ദന് നമ്പൂതിരി ഉദ്ഘാടനം ചെയ്തു. അമ്പലപ്പുഴയില് മഹാശോഭായാത്രകള് ചലച്ചിത്രതാരം കൃഷ്ണപ്രസാദും ആര്എസ്എസ് ജില്ലാ സംഘചാലക് ഡോ. അമ്പലപ്പുഴ ഗോപകുമാറും ഉദ്ഘാടനം ചെയ്തു.
പാണാവള്ളി താലൂക്കിലേത് ഒറ്റപ്പുന്നയില് എസ്എന്ഡിപി അസി. സെക്രട്ടറി പി.ടി. മന്മഥനാണ് ഉദ്ഘാടനം ചെയ്തത്. തുറവൂരില് ആര്എസ്എസ് വിഭാഗ് കാര്യവാഹ് എല്. പത്മകുമാര് ഉദ്ഘാടനം ചെയ്തു.
ചേര്ത്തല താലൂക്കിലേത് അരീപ്പറമ്പില് കണിച്ചുകുളങ്ങര മേല്ശാന്തി സുരേഷ് ശാന്തി ഉദ്ഘാടനം ചെയ്തു. കലവൂര് താലൂക്കിലെ ശോഭായാത്രകള് കാട്ടൂരില് ബാലഗോകുലം മേഖല സമിതിയംഗം വിമല് രവീന്ദ്രന് ഉദ്ഘാടനം ചെയ്തു.
