രാജാക്കാട്: പ്രായ പൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച ഓട്ടോ ഡ്രൈവര്‍ പിടിയില്‍. എന്‍ ആര്‍ സിറ്റി പൂവത്തുംകുടിയില്‍ മോഹനന്റെ മകന്‍ ബിബിന് (24)ലാണ് പിടിയിലായത്. 2013ല്‍ പെണ്‍കുട്ടി ഒന്‍പതാം ക്ലാസ്സില്‍ പഠിക്കുന്ന സമയം മുതല്‍ ഇയാള്‍ കുട്ടിയുമായി പ്രണയത്തിലാകുകയും പിന്നീട് വിവാഹം കഴിക്കാമെന്ന് പറഞ്ഞ് പീഡിപ്പിക്കുകയുമായിരുന്നു. കുരുവിളാ സിറ്റിയിലുള്ള ബന്ധുവീട്ടില്‍ എത്തിയ പെണ്‍കുട്ടിയെ വീട്ടില്‍ ആരുമില്ലാതിരുന്ന സമയത്താണ് ആദ്യം പീഡിപ്പിച്ചത്. പിന്നീട് രണ്ട് വര്‍ഷക്കാലം മഞ്ഞക്കുഴിയിലുള്ള പെണ്‍കുട്ടിയുടെ വീട്ടിലും അമ്മ വീട്ടിലുമായി നിരവധി തവണ പീഡനത്തിന് ഇരയാക്കി. ഇതിനെ വിവരം വീട്ടുകാര്‍ അിറയുകയും ഇയാളെ താക്കീത് ചെയ്യുകയും ചെയ്തിരുന്നു. എന്നാല്‍ പിന്നീട് പ്രതിയായ ബിബിന് ആനച്ചാലില്‍ നിന്നും വിവാഹ ആലോചന വരികയും മറ്റൊരു ബന്ധമുണ്ടെന്ന് അറിഞ്ഞ് വിവാഹം മുടങ്ങുകയുമായിരുന്നു. ഇതിന് ശേഷം പെണ്‍കുട്ടിയെ സ്വീകരിക്കുവാന്‍ ഇയാള്‍ തയ്യാറാകാതെ വന്നതോടെയാണ് പെണ്‍കുട്ടി രാജാക്കാട് പൊലീസ്സില്‍ പരാതി നല്‍കിയത്. അടിമാലി സി ഐ സജി മര്‍ക്കോസ്, രാജാക്കാട് എസ് ഐ എസ് മഹേഷ്‌കുമാര്‍ എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
Saturday, November 23, 2024
പീഡനക്കേസില്‍ ഓട്ടോ ഡ്രൈവര്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: