ആലപ്പുഴ: നഗരത്തില് വട്ടയാല് പ്രദേശത്ത് വീട് കേന്ദ്രീകരിച്ച് ഹിന്ദുക്കളെ ക്രിസ്തു മതത്തിലേക്ക് പ്രലോഭിപ്പിച്ച് മതപരിവര്ത്തനം നടത്തുന്നു. വട്ടയാല് പള്ളിക്ക് സമീപത്തെ ഒരു വീട് കേന്ദ്രീകരിച്ചാണ് കഴിഞ്ഞ ഏതാനും നാളുകളായി മതപരിവര്ത്തനം നടക്കുന്നത്. ഇതിനകം നിരവധി ഹിന്ദുക്കളെ മതപരിവര്ത്തനം ചെയ്തതായാണ് വിവരം. കഴിഞ്ഞയിടെ മതപരിവര്ത്തനം ചെയ്ത വണ്ടാനം മെഡിക്കല് കോളേജ് ആശുപത്രിയിലെ ഒരു വനിതാ ഡോക്ടര് ഇവിടുത്തെ പതിവ് സന്ദര്ശകയാണ്. ഇവര് മറ്റു ഡോക്ടര്മാരെയും രോഗികളെയും അവരുടെ ബന്ധുക്കളെയും ഇവിടെയെത്തിച്ച് മതപരിവര്ത്തനം ചെയ്യാന് ശ്രമിക്കുന്നുണ്ട്. രോഗ ശാന്തിയും മറ്റും വാഗ്ദാനം ചെയ്താണ് മതപരിവര്ത്തനത്തിന് ശ്രമിക്കുന്നത്. ഒരു മുതിര്ന്ന പോലീസ് ഉദ്യോഗസ്ഥനും ഇവര്ക്ക് എല്ലാവിധ പിന്തുണയും നല്കി രംഗത്തുണ്ട്. മതവിദ്വേഷം പ്രചരിപ്പിക്കുകയും വര്ഗീയ വികാരമിളക്കി വിടുകയും ചെയ്യുന്ന പ്രവര്ത്തനങ്ങള്ക്ക് പോലീസ് ഉദ്യോഗസ്ഥന് തന്നെ നേതൃത്വം നല്കുന്നതില് പ്രതിഷേധമുയര്ന്നിട്ടുണ്ട്. അനധികൃത മതപരിവര്ത്തന കേന്ദ്രം അടിയന്തരമായി അടച്ചുപൂട്ടണമെന്ന് വിഎച്ച്പി ജില്ലാക്കമ്മറ്റി ആവശ്യപ്പെട്ടു. അല്ലാത്ത പക്ഷം വന് പ്രക്ഷോഭം നടത്തുമെന്നും വിഎച്ച്പി മുന്നറിയിപ്പ് നല്കി.
വട്ടയാലില് വീട് കേന്ദ്രീകരിച്ച് മതപരിവര്ത്തനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.