തേവയ്‌ക്കല്‍: ഹനുമാന്റെ ഗുണങ്ങള്‍ ജീവിതത്തെ ശ്രേഷ്ഠമാക്കുമെന്ന് ആര്‍എസ്എസ് മുന്‍ അഖിലഭാരതീയ ബൗദ്ധിക് പ്രമുഖ് ആര്‍. ഹരി പറഞ്ഞു. തേവയ്‌ക്കല്‍ ശ്രീ മുക്കോട്ടില്‍ ക്ഷേത്രത്തില്‍ അഖിലഭാരത രാമായണസത്രത്തില്‍ ഹനുമാന്‍ മുഖ്യസേവകന്‍ എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. ഹനുമാന്റെ കാര്യശേഷി, സ്വഭാവശുദ്ധി, ബുദ്ധിശക്തി, ആത്മവിശ്വാസം, ഇഛാശക്തി, യുക്തി എന്നിവയും വിശ്വസ്തനായ ദൂതന്‍, ഭക്തന്‍ എന്നീ നിലകളില്‍ ഹനുമാന്റെ ഔന്നിത്യവും എടുത്തുപറയേണ്ടതാണ്. ദൂതുമായി പോയി ലക്ഷ്യം പൂര്‍ത്തീകരിച്ച് ശക്തി തെളിയിച്ച ഹനുമാന്‍ രാമന്റെ മുഖ്യസേവകനായി മാറുകയും ശ്രീരാമനെ ഹൃദയത്തില്‍ പ്രതിഷ്ഠിച്ച് ചിരംജീവിയായി ജീവിക്കുകയും ചെയ്യുന്നുവെന്നും അദ്ദേഹം പറഞ്ഞു.
Wednesday, November 20, 2024
ഹനുമാന്റെ ഗുണങ്ങള്‍ ജീവിതത്തെ ശ്രേഷ്ഠമാക്കും: ആര്‍. ഹരി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: